Williamnagar, July 23: Adita salrangna skang, Simsang Music Society-ni gita Singing Competition ba git ring·susaaniko Williamnagar DRDA Hall No II-o ong·atangaha aro ia ring·susaanio Garo Hills gimikonin bang·bea chadamberang bakko ra·angtokaha.
Ia git ring·susaaniko ong·atanio Meghalaya a·dokni PHE Minister aro Williamnagar-ni MLA Marcuise N Marak, mongsonggipa sokgipa ong·e jinmana aganprakangengon, chadamberangni aiao inmanbegipa changa sapanirangko nikna man·ahani gimin, an·tangni kusi ong·aniko parakangaha aro Garo Hills-ni chadamberangna iandakgipa susaanirangko ong·atengani gimin Simsang Music Society-ko mittelpilangaha.
Williamnagar-o bakan Meghalaya Grassroot Music Project-ko a·bachengatgnok ine parakatengon, a·dokni changgipa sapgipa chadamberangna ia project-ko a·bachengate on·ahani gimin Marak, a·dokni Chief Minister Conrad K Sangma-koba mittelpilangaha.
Ia git ring·susaaniko ong·atanio skanggipa boksisko Kavita Devi cheaha, gnigipako Bilsando Ch Marak aro gittamgipa boksisko Pattiangku M Sangma cheangskaaha.
Ia susaanio bak ra·gipa sakbonga chadamberangnaba ka·dimeatani boksisrangko on·angaha aro uamangara Waiwas Momin, Nokimbe M. Sangma, Raksime K. Sangma, Victor Sangma aro Learzar Saldo M. Sangma ong·a.
Ia git ring·susaaniko ong·atani bidingo Hub News-na talate on·angengon, Garo Hills-o bang·en git ring·na changgipa sapgipa chadamberang dongani gimin changgipa sapgipa chadamberangko niksengatna aro nambata cholrangko on·na miksonganiosa ia susaaniko ong·ataha ine Simsang Music Society-ni president parakataha.
Iakoba poraie nina man·gen: A·dok damgnini gisepo meligrikgijagipa simarangni gimin Regional committee-rangni tom·aniko Sonibar salo ong·atangtaia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
