Imphal, July 23: Manipur a·doko jatgnini gisepo kajia-golmal ong·chakatani salgipino Kuki-Zo me·chik sakgnini kosako kragijagipa kamko ka·ani ge·sa video, adita salrangna skang social media-o pipraanichi a·song gimikni manderangko jagok-jabrangatpilaona sokatgipa mamlani bidingo tom·e chanchirimaniko dakangenba a·kawe jolni Committee on Tribal Unity (CoTU) dol, July 24 tarik, Sombar saloni dipat Manipur a·doko dingtang dingtang dakgipa jingjengataniko ong·ate uamangni jegalaniko bilakbatatna tik ka·e donangaha.

Ua sakgni me·chikrangko gangri-chingri Meitei me·asa jinmani mikkango re·ate aro uamangko dangtape roani ja·man mande jinma drae kal·akanio dos donggipa gimikkon rim·china gita CoTU, iana skang ma·mong sorkarina konta 48 somoirangko on·ahachim ine nikna man·a.

Iani bidingo CoTU-ni General Secretary, Lamminlun Singsit, sorkarina chingni kont 48 on·gimin somoi badepilahaoba dos dakgiparang gimikkode rim· jaha aro sorkarioni maming aganchakaniko on·a dongjaha ine janapatenba, iandaka ong·sigipa kamko ka·giparangna pasiko on·na gita nangchongmota aro dos dakgiparangko rim·ninggijanichi bichal ka·e on·anikoba ru·utata, uandaken dosni kri maming sastiko man·gijan dos dakgipa manderang jakgitel ong·katna chol ong·enga ineba dolni dilgipa aganangaha.

“Chingni skanggipa bako jingjengataniko Saikul-o jinma re·jomaniko July 24 tarikoni ong·ate dingtang dingtang dakgipa jengjengataniko a·bachengna gita chinga tik ka·aha, iani gisepon maming knachakani griode jinma re·jomaniko dakani ja·manoba chingni jingjengataniko bilakbatatgen ineba ua parakataha.

Ia jingjengataniko maichi bilakbatatna miksongani gnang uni gimin CoTU-ni dilgipa mamingko janapata grioba, ian National Highway-2 ramako chu·gimik champengattaianiko dakna committee-ni gisepo chachirimaniko dakanggipani gimin ning·oniko koborko man·soskaaha.

Iakoba poraie nina man·gen: Brahmaputra Valley Fertilizer Corporation Limited-ko chipna aganani gimin chatro chatrirang jegala

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub