Tura, Jul 9: South West Garo Hills a·jao kajina gamgija chalaienggipa dokanrangko aro badingchiwalaniko dakenggiparangko, Garo Hills Autonomous District Council, Budbar salo am·sandianiko dakangaha aro ia am·sandianio ge 200 mangni gita dokanrang aro badingchiwalaniko dakenggipa biaprango Trading by Non-Trivals (TNT) licence gri, Professional Tax ba kajina gamgija niamgri Sixth Schedule a·ja ning·o badingchiwalaniko dakenga ine rim·a man·aha.
Ia am·sandianiko, GHADC-ni CEM-ni dilanichi Council-ni official-rang, Bansali, Chandamari, Mirjumla aro Meghalaya-Assam a·dokni sima ari jolo donggipa biaprangoniko am·sandiangaha.
Ia am·sandianiko dakaniara, Council-na kajina gamaniko aro tangka paisarangko man·dapanio namdapatna miksonganio am·sandiani ong·a.
Ia am·sandianiko dakanichi, Sixth Schedule a·ja ning·o TNT licence gri aro lekka pancha chu·onga gita donggijan badingchiwalaniko dakenga aro unbaksana Professional Tax-ko gamgija dokanrangko chalaienggiparang donga ine u·ina man·aha.
Deputy CEM, Stevie M. Marak, Hub News baksa agangrikengon,Sixth Schedule a·ja ning·o niamgri aro GHADC-na kajina gama gri chalaiengani aro badingchiwalaniko dakengani a·sel Council-na bang·a noksanrangko ra·baahani gimin iako namdapatna raken kam ka·gen aro apsan daken Garo Hills a·jani dingtang dingtang bakrangoba ia am·sandianiko dakangkugen ine aganaha.
Indake, batanggimin somoio GHADC-ni Tura-o ia am·sandianiko dakanio, bank-rangko chanchape adita dokanrang Professional Tax-ko gamgija chalaienga ine rim·na man·aha.
Garo Hills-o Council-ni ning·o ga·akgipa biaprango niamgri aro kajina gama gri chalaienggipa dokanrangko aro badingchiwalenggiparangko am·sandiangkugen ineba Council-ni official-rang parakataha.
Na·simang iakoba nina man·gen:
Na·simang iakoba poraina man·gen: Kamakhya mondir sambao para gari salgipa driver-ko doke siata, saksako rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
