Shillong, Jul 9: Meghalaya a·dokni Jaintia a·jao songdongenggipa Pnar jatrang, uamangni Niamtre bebera·enggipa manirongbaenggipa Behdienkhlam manianiko Bristibar salo, Aitnar-o maniaha.

Ia maniako manianio, bebera·giparang, ong·telaigipa a·selrangoni, namgijagipa gisikrangoni, sabisirangoni chel·chaksona aro uamangni ge·gimin gamgiminko aka tetani somoio uamangni isolni dakchakaniko on·china mol·mole uamangni daka rikanirangko dakanio bak ra·angaha.

Meghalaya a·doko, Behdienkhlam manianiakoba ge·sa dal·gipa maniani ine bebera·a aro iako July ja jatchini gisepo manironga.

Indake, Aitnar-ona rongtalgipa chi ba “Symbood Khnong”-ko ra·baa, jekon manderang pattianiko aro an·sengbaljokaniko man·a miksonganio dangtapna jotton ka·tokaha ine nikna man·a.

Ia Khnong-ko dangtapanichi pilak namgijagipa a·selrangoni aro sabisirangoniko chel·chaksogen ine uamang bebe ra·a.

Ua jolni bang·a chadamberangan, bol aro rot-oniko nitogipa aro changrogipa bimangrangko tariaha aro ia maniani bon·kamgipa salo ia tarigimin bimangrangko Aitnar-ona ra·bae mesokaniko dakanggen.

Ia rot-rangoniko bimangrangko tarianiara, a·jatangko chel·chake aro simsake rakkianiko mesokengani ong·achim. Ia bilsio tarigimin rot-ni bimangrang ara,  ong·telelaigipa gamrangko simsake aro ripinge rakkina, technology-ko aro Artificial Intelligence-ko jakkalani namgijarangni, mikbokrakani namgijarang aro an·sengbaljoke dongani gimin parakaniko mesokaha.

Attamni bako manianio Datlawakor, Langdoh aro Sangot dolgnini gisepo boloniko sol·gimin robolko kal·susaangaha.

Indake ia kal·susaanio jean Datlawakor-ko an·tang dolchipak ra·angna man·gen ua dolkon chegipa ine channachim aro ian uamangni ge·a gamanio nambata biterangko man·gen ine bebe ra·ani ong·achim.

Iani gisepon, Assam a·dokni Skotong Minister Himanta Biswa Sarma-ba ia maniani bon·kamgipa salo bakko ra·angaha.

Himanta, ia manianiona a·dok gnini gisepo meligrikaniko mesokna mongsonggipa sokgipa ong·e bak ra·aha aro Meghalaya a·dokni manderangna nama skanikoba on·angaha.

Kobor ra·timgiparang baksa agangrikengon Sarma, ia manianio bak ra·enganiara Assam aro Meghalaya a·dokgnini gisepo nangrimaniko mesokna aro Jaintia Hills a·jani no jongrangna nama skaniko on·a bak ra·ani ong·a ine aganaha.

Unbaksana, ia manianio bak ra·e kusi ong·aniko parakan baksa changgipinoba manianio bak ra·taigen ine agandapataha.

Na·simang iakoba nina man·gen: 

Na·simang iakoba poraina man·gen: Tura-o Doppler Weather Radar-ko songna bon·kame biap nianiko dakanga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub