Shillong, Jul 8: Meghalaya sorkari , budbar salo a·doko adita dingtangatna nanggipa kamrangko ba niamrangko janapengon skigiparangna ru·utbea somoirangoni matchotkugijagipa kamrang, sorkario enrol ka·gimin schoolrangko namdapatna, uno jakkalna nanggipa bosturangko nangani kri on·dapna, skigiparangna nambata trainingrangko on·na ja·ku de·anirang, iarang pilakko dondime a·dokko namdapatna tarianirang skanggipa changna chonbata gadangoni Akanshi 1 gadangona ra·doatako man·aha.
Ministry of Education 2025-26 bilsini PGI 2.1 Reportni gitade, Meghahaya 2024-25 bilsini reporto 448 score-rangko man·aoni da·o 525.71 score-rangko man·skaaha jechin score namen tang·doaha ine uina man·enga. Pilak a·dokrang aro Union Territoryrangko niaton, Akansha 3 oni rang·san Akansha 1 ona gadang ge·gniko ga·batani, Meghalaya a·dokna dal·bea chu·sokani aro namen namgipa koborba ong·aha.
A·dokni Education Minister Lahkmen Rymbui-ni aganani gitade ia a·dokni dal·bea chu·sokani namen gisik ra·ani ong·chongmota, National School Education Frame workko a·bachengataoni Meghalaya a·dok changsaba komibatgipa PGI gadangona sokkuja ineba ua taldapataha.
Ia pilak chu·sokanirangna aro a·dokko ra·doanina Education Department a·dokni skigiparangko, schoolni skotongrangko, chatro-chatrirangko, ma·a paarangko, school ge·antini Managing Committeerangko, district ge·antini education officialrangko, Samagra Shiksha Mission, SEMAM aro bakrimgimin organisationrangko Meghalaya school education systemko niksenga gadangaona sokatna dakchakahanina mitele aganangaha.
Na·simang iakoba nina man·gen:
Na·simang iakoba poraina man·gen: Mikka jimbe·e waanichi Arunachal-ni Lohit a·jao chi ban re·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
