Shillong, Oct 16: Budbar salo, Shillong songjinmani St Edmund’s School-o poraianggipa gitcham chatro chatrirang, an•tangtangni gitcham skigipa Brother Eric D’Souza-na bon•kame mande ra•pilskaaniko dakenba, Laitumkhrah Catholic gopramo gope galaha.
Bilsi 74 ong•gipa Brother Eric D’Souza, ru•utbea somoirangna saaniko man•enba, re•anggipa Robibar salpaksachibara 1:20 bajimango, Vasco-o donggipa Regina Mundi Church complex-ni Shanti Niwas-o a•gilsakko watangahachim.
Bro D’Souza-ni manggisiko Budbar salo Shillong songjinmaona ra•bae, St Edmund’s School-ni Chapel Hall-o donaha aro iano una bon•kame mande ra•pilskaaniko dakna gita jinma bi•rimaniko ong•ataha. Ia bi•aniko Shillong-ni Archbishop, Most Reverend Victor Lyngdoh dilangaha aro ia tom•anio bishop-rang, pamongrang, aro Bro D’Souza-ni ru•uta bilsirangna skie on•anggipa St Edmund’s School-ni gitcham aro gital chatro chatrirangba bak ra•angtokaha.
Ia tom•anio, Meghalaya a•dokni Chief Minister aro Bro D’Souza-ni gitcham chatro Conrad K Sangma baksana St Edmund’s School-o unbaksa apsan porairimgipa chatro chatrirangba dongpae bak ra•angaha.
Christian Brothers dolni membor Brother D’Souza-ko a•gilsakni seng•aniko on•na gita an•tangko on•kanganina aro uni St Edmund’s-o skie on•engmiting somoirango cholgri bi•sarangna Providence School-ko kulie on•ahani gimin pilak biaprangon mingsing minggambeachim.
Cholgri ong•gipa bi•sarangko mande ong•atanian Bro D’Souza-ni mongsonggipa miksongani ong•achim aro uni iandakgipa gunrangnan manderang una ka•sabeachim.
Bro D’Souza-ni saksa gitcham chatro aro Bollywood actor Shah Rukh Khan-ba da•alo an•tangni mande ong•anina Bro D’Souza-kon mittelpilaha. Shah Rukh Khan-ba Delhi-ni St Columba’s School-o poraiengmiting somoio Bro D’Souza-ni skie on•aniko man•pagipa ong•e da•alo an•tangni mande ong•anina uko mittelpilaha aro uko dilenggipa chakki gita toe aganaha.
Brother D’Souza-ni mingnamaniara Chief Minister ba a•gilsako mingsingbatsranggipa actor-naba bata maina bang•a doctor-rang, engineer-rang, veterinary-rang, surgeon-rang, professor-rang, ukil-rang, journalist-rang aro gipinrangba uni chatro chatrirang ong•e, uni dangtapako man•giparangan ong•a.
Uni kamrang, Delhi-ni St Columba’s School, Shillong-ni St Edmund’s School aro Assam, Mangalore baksana West Bengal-o donggipa Christian Brothers dolni skulrango poraienggipa bang•a chatro chatrirangni janggi tanganio dingtanganiko ra•baaha.
Na·simang ia video-koba nina man·gen:
Na·simang iakoba poraina man·gen: M’laya Skill & Innovation Hub-ko kulianichi a•doko bading chiwalaniko tang•doatna dakchakgen: Vice President
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
