Shillong, June 21: Budbar salo, East Jaintia Hills-ni Kuliang-o donggipa, Martina Pohshna-ni nokona walni 11:30 bajimango, an•tangtangko BSF sipairang ine a•kanggipa sak 3 manderang napdrabaenba, uni segipa Shanroi Lyngdoh-ko doka sata dakan baksana uni demechikgipako kragija dake kal•akaha, ine Umkiang Police Patrolling Post-o FIR ka•aha. Indake, badi ka•a ja•man, ia sak 3 BSF sipairangko Umkiang Police Patrolling Post-ona mikkangpachina gita okamatahachim.
Iani gisepon, ia sak 3 BSF sipairangko watpilchina gita sak 30 ba sak 40-mangni gita BSF dolni sipairang Umkiang Police Patrolling Post-ko ka•o nangenba changdulskaaha. Umkiang Police dolni manderang komiani a•selo ia sak 3 BSF sipairangko watna draatako man•aha ine mikrontangchi nikgipa manderang u•iataha.
Iani gisepon, East Jaintia Hills-ni Superintendent of Police (SP) Giri Prasad, ia ong•a obostako jegalenba, ia sak 3 sipairangni kosako IPC R/W-ni Section 457/326/354/506/384/34 aro Section 7/8-ni POCSO Act-o pangchakenba case-ko segataha ine u•iatskaaha.
“Police-rang sing•sandie niani somoio pilak dakna nanggnirangko dakenba dos dakgiparangko rim•gen,” ineba ua aganaha.
Indake ong•engon, an•tangtangni kosako matnanganiko jegalatskaenba, Kuliang-o donggipa songni manderangsa uamangko chadrapaha ine BSF doloni parakatskaaha. Ia songni manderangan Bangladesh-oni niamgri napsrukbae badingsrukenggipa manderangna napbana gita ramarangkoba on•enga ineba BSF sipairang matnange aganaha.
Video ge•sa, jeon BSF sipairangni rua ra•e aro go•olrangko ra•e songni manderangko todingdinge ka•mikkenataniko nikna gita man•engachim, ua video-ba pilakchin giproroangahachim.
Na·simang ia video-koba nina man·gen:
Na·simang iakoba poraina man·gen: ‘Yoga-ko ranta ka•anichi be•en aro gisikni gita an•seng baljokaniko man•a ama’
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
