Shillong, Jan 30: Samtangtango ong•telagiparangko ripingna dongimin niamrangko pe•gipa Byrnihat-ni dingtang dingtang karkanarangko Meghalaya State Pollution Control Board (MSPCB) sandienba rakgipa ja•kurangko de•chakataha.
Ia karkanarangoni jokenggipa moilarangko champengna karkanarango Pollution Control Device (PCD)-rangko jakkalna nangachim indiba MSPCB-ni am•sandianirangko dakon, Byrnihat-o donggipa bang•bata karkanarangan ia PCD-rangko jakkaljaenga ine ma•sina man•aha.
Ia karkanarangko MSPCB, antio changgni dake nirokrongenga aro uamangni sandie man•gipa report-ko Delhi-o donggipa Central Pollution Control Board (CPCB)-ni Environmental Air Quality Data Entry System (EAQDES)-o upload ka•atrongenga.
Karkanarangni bidingo MSPCB-ni sandie man•gipa report-rangko social media, Board-ni website, aro nangchakegipa District Administration-ni website-rangoba mesokatenga.
MSPCB-ni u•iatani gitade, Byrnihat-o balwa moila dakenggipa karkanarang gimik dam 27 donga aro ianoni dam 5 karkanarangde Red Category aro dam 22 karkanarangde Orange Category-o ga•akenga.
Assam a•dok ning•o ga•ake, balwarangko moila dakenggipa dam 35 karkanarang Byrnihat jolo donga aro ia karkanarangoni dam 20-de Red Category-o aro dam 15-de Orange Category-o ga•aka ineba MSPCB official-rang parakataha.
Meghalaya aro Assam a•dok damgnion balwa moila ka•enggipa karkanarang, ia Byrnihat jolo dongani gimin balwa moila ka•aniko champengna a•dok damgnian bakrime kamrangko ka•enga ineba Board official-rang parakataha.
Na·simang ia video-koba nina man·gen:
Na·simang iakoba poraina man·gen: JHADC election-na adita sak candidate-rang nomination file ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
