Guwahati, March 10: Citizenship Amendment Act (CAA)-ni kosako namnikgijako aro jegalaniko mesokna gita All Assam Students Union (AASU) baksana gipin dol 30 NGO-rang, Robibar pring 6:00 bajioni attam 6:00 bajiona, Assam a·doko konta 12-na okgimu chake jingjengatangaha.
Ia konta 12-na okgimu chake jingjengataniko Guwahati songjinmani Dighali Pukhuri chirikamo dakangaha.
Ia nangrimgimin dolrang, Citizenship Amendment Act (CAA) 2019-ko ra•galchina dabian baksana BJP sorkariko matnange aganangaha.
Iani bidingo kobor ra•timgiparang baksa agangrikengon, “Sorkari ia niamko drae ra•gatenba, niam gri napsrukbagipa manderangni bal bojako chingo galgopna jotton ka•enga, unbaksana jekon chinga ra•chakna man·jawa, apsan daken salgro salaram jolni manderang uko ra•chakna man·jawa ine sorkarina chinga aganamanahachim,” ine AASU-ni president Utpal Sarma parakataha.
Prime Minister Narendra Modi-ni re•baani salo, CAA-ko jegalanio janggitangtangko gimaatna nanggipa sak 5 manderangni noksarangko ra·enba, chakkirangko so•e sianggiparangko gisik ra·angjolaha.
Ia CAA-ko ra•gatahaode uni salon CAA-ni niamrangko segimin lekkarangkoba a•dok gimiko so•e galan baksana a•jani skotong biaprango re•jomanggen ineba ua parakataha.
“Anga bilni gitasan ong•aija, niamni gitaba apsan daken dakgrikna miksongenga,” ine AASU-ni president aganaha.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
