Williamnagar, Apr 12: Citizenship Amendment Act (CAA)-ni bidingo Meghalaya a•dokni manderangna tol•e sakkirangko on•na jotton ka•ahani gimin Williamnagar-ni saksa Congress chadambe dolko dilgipa Junebirth C Marak-ni kosako Williamnagar-ni NPP MLA aro a•dokni Cabinet Minister Marcuise N Marak, 2-Tura Parliamentary Constituency-ni Returning Officer-na badi ka•doangna aganaha.
Meghalaya a•dokni Sixth Scheduled a•jarangko Citizenship Amendment Act (CAA)-ni niamrangoniko watchanggalahaoba komibeoba square kilometer 13,000 biaprangde CAA-ni ning•o nangchakeaniko man•gen ine badi ka•ako man•gipa Youth Congress-ni dilgipa Junebirth Marak, social media-rango post ka•enba manderangko jajaatna jotton ka•ahachim ine nikna man•a.
Iani bidingo ua Meghalaya a•dokni Chief Minister Conrad K Sangma, NPP aro a•dok sorkarikoba, manderangna kakketko parakjaenga ine matnangatahachim.
Indake ong•engon, Sukrobar salo, South West Garo Hills a•jani Rangsakona songo, NPP-ni candidate Agatha K Sangma-na campaign ka•angani ja•man a•dokni Cabinet Minister Marcuise N Marak, ia Congress youth leader-ni kosako Tura Parliamentary Constituency-ni Returning Officer-na badi ka•doanggen ine uiataha.
Na·simang ia video-koba nina man·gen:
Na·simang iakoba poraina man·gen: Tura-ni Te•tangkol-o Mahindra XUV 300 kamchipa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
