Tura, Apr 9: Lok Sabha election-na dingtang dingtang political dolrang, an•tangtangni candidate-rangna campaign ka•chichatokengahaon, election-o susarimenggipa opposition dolrang, Citizenship Amendment Act (CAA)-ni bidingo manderangna tol•e sakki on•na jotton ka•enga ine Mongolbar salo, National People’s Party (NPP)-ni national president aro Meghalaya a•dokni Chief Minister Conrad K Sangma matnangataha.
Mongolbar salo, East Garo Hills a•jani Mangsang songo, NPP-ni candidate aro Tura-ni MP Agatha K Sangma-na campaign ka•engmiting somoio Sangma, ia kattarangko aganaha.
“Ching baksa susaenggipa dolrang CAA-ni bidingo tol•e sakki on•na jotton ka•enga. Sixth Schedule a•jarango CAA-ko watchina gita chingni party maikai ma•mongni dilgiparang aro gipinrang baksa agangrikaha anga uamangna gisik ra•atpiltaianiko on•na ska,” ine Chief Minister aganaha.
Sangma-ni aganani gitade, CAA-ara Pakistan, Afghanistan aro Bangladesh a•songrango a•rikgalako man•e, 2014 bilsini December jana skang India a•songona re•napbagipa Hindu, Sikh, Buddhist, Jain, Parsi aro Kristianrangna citizenship-ko on•na dongimin niamsa ong•achim indiba Meghalaya a•dokkode ia niamoniko watahani gimin a•doko songdongkamna gita bilko man•ani cholan dongjachim.
“Meghalaya a•dokode CAA-ni ning•o citizenship-ko on•na gita application ba niamrangan dongjani gimin opposition dolrangni agangipa kattarangara manderangko togina jotton ka•anisan ong•aia. Uni gimin an•ching iandakgipa dolrangni tol•e sakki on•aniko bebera•jana aro ia election-o NPP-ni candidate-kon seokpiltaina,” ine NPP-ni national president aganaha.
Na·simang ia video-koba nina man·gen:
Na·simang iakoba poraina man·gen: Skia man•gipa kamalrangni dakchakachi naljokgipa aro kenani grigipa bi•sa an•pakaniko noktango dakani
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
