Shillong, Jan 11: Skotong Minister Conrad K Sangma, a•dokni Vision 2032-na kamko ka•anio bak dongpagipa sakantikon bak ra•atna nangchongmotani gimin u•itangaha.
Sohra-o ong•atgipa Cabinet Retreat-o aganprakengon, department ge•antian kamtangtangnasan gisiko on•bate kamrangko ka•enba, dal•batgipa miksonganirangkode gualrongbata ine aganangaha. Ia tom•bimonganiara a•dokni mongsongbatgipa miksonganirangko nipiltaienba apsan kamko ka•na gita dakchakaniko on•gen ineba ua aganangkuaha.
Ia salgnina ong•atanggipa tom•bimonganio, cabinet minister-rang aro a•gipibatgipa sorkarini ning•o kamko ka•giparang dongpae bak ra•angaha, jeon dingtangmancha donsogimin katta bichongrangni gimin chanchibewalanirangko dakangaha.
Skotong Minister, sason ka•aniko namdapatna gita department-rangni gisepo apsan kam ka•na nangchongmotani gimin aganangaha. Ua pilak department-rang, Deputy Commissioner-rang, Department-ni Skotongrang, Minister-rang aro officer-rangkon Key Performance Indicators (KPIs)-rangko jakkale rongtalgipa miksonganiko donchina gita didiataha. Ia KPI-rang “Mission 10”-ko man•a jotton ka•anio dilaniko on•an baksana, gamjin, bil aro tangka paisarangko name jakkalanio dakchakaniko on•anggen.
A•dokni ru•uta somoirangna niksamsoanirangna kamko ka•anio chu•sokaniko man•a gita ua pilak department-rangkon uamangni bilsini miksonganirangko KPI-rang baksa apsan ong•atchina didianiko dakangaha.
Ia retreat-ko ong•atanio session-rang jekai “Vision 2032”, “Nurturing Social Ecosystem” aro “Infrastructure Development: Power” ingipa session-rangko on•angaha. Ia session-rang, department-rangko ku•cholsan ong•e kam ka•na aro a•dokni miksonganiko maikai chu•sokatna gita man•gen uni gimin chanchibewalanirangko dakna gita didianiko on•angaha.
2023-24 bilsio, 53,000 kror GDP aro average growth 14-15% baksana bilsi 3-ni gisepo Meghalaya a•dokni tang•doani national average-na badepilaha.
Na·simang ia video-koba nina man·gen:
Na·simang iakoba poraina man·gen: Umrangso-ni koela a•damo jachange donggiparangoni sigipa sakgni gapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
