Shillong, Dec 20: Meghalaya a•doko songdongenggipa dingtang dingtang Tribal jatrangni ku•sikrangko aro gimaangenggipa ku•sikrangko ripingna miksonganio, a•doko gital kuligipa Captain Williamson Sangma State University-o Tribal Studies Department-ko kuliaha.
Ia gital department-ko kuliani bidingo parakatengon, lekka porachi jolo donggipa dingtang dingtang jatni daka rikani aro ku•agananirangko ripinge rakkina sorkari kam ka•enga ine Meghalaya a•dokni Education Minister Rakkam A Sangma aganaha.
University-ko name chalaina man•na gita mongsonggipa department-rangko kulianio jako ra•e kam ka•china Vice Chancellor-na pakwatmanaha ine janapatengon, re•baenggipa 2025 bilsionin a•dokni dingtang dingtang college-rangko ia University-ni ning•o bak ong•atgnok aro class-rangkoba mikkang bilsionin a•bachengatna ka•dongenga ine Education Minister parakataha.
Indake ong•engon, Captain Williamson Sangma State University-ni campus-ko New Shillong Township-o kulina gita sorkari, a•arangko bi•na miksongenga aro All India Council for Technical Education (AICTE)-ni ra•chakaniko man•na gita krenge kamko ka•enga ineba Education Minister parakataha.
Na·simang ia video-koba nina man·gen:
Na·simang iakoba poraina man·gen: UNCCD-ni chang 16-gipa Conference of Parties name matchotanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
