Shillong, Jan 10: A•dokni Education Minister, Rakkam A Sangma, January 13 tariko Captain Williamson Sangma State University-ko nokdonggaani somoio pilak toromni dilgiparangko bi•chakaniko dakchina sorkari okamgen ine Bristibar salo parakataha
Ia u•iataniko, Christian toromonikosan bi•chakna okamenga ine jangbingani ja•man Minister Rakkam talataniko on•ataha.
Ia Institution-ko nokdonggani somoio iandake institution-na, manderangna aro a•songna bi•chakaniko ra•aniara maming gualani dongja ine janapengon, ia sorkarini maniani somoio Christian toromni dilgiparang baksana gipin toromni dilgiparangkoba bi•chakchina okamgen ine ua janapataha. Unbaksana, Skotong Minister Conrad K Sangma-ni dilanichi, mongsongbate lekka porako on•ani gadango nirokaniko dakbatenga aro bilsi 52-ni ja•man CUET ba uandake gipin neng•nikanirangko niatpilna man•aha aro uni dilanichi a•doktango university ge•sakode rikna nangtelenganiko nikenba ia institution-ko rikna gita tik ka•aha aro uni dilanichi chalaienggipa MDA sorkari lekka porako on•ani gadango nambata on•aniko on•an baksa kam gri ong•enggipa manderangna kamko on•a miksonge sorkari tik ka•aha ine aganan baksa, ru•utgijan ia Department ning•o ge 150 post-rangni kamo rakkignok ineba ua janapataha.
Na·simang ia video-koba nina man·gen:
Na·simang iakoba poraina man·gen: Re•baenggipa MDC Election-o nambate dakgen ine UDP a•kanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
