Jinma re•jomaniko New Hill Police Point-oni a•bachengatenba Jaintia Hill Autonomous District Council (JHADC)-ona ong•atangaha aro ia tom•anio dingtang dingtang dilgiparang, iani bidingo maming ku•rangko on•jaengani gimin MDC-rangni kosako raken jegalangtokaha.

Programo bakko ra·anggipa MACS-ni Project Director Dr. B. Decruse, ia campaign-ko NACO baksa nangrime ong·ataha ine u·iatangenba, Meghalaya a·dok gimiko HIV ba AIDS sabisiko man·giparangoni East aro West Jaintia Hills a·jaon 60 percent-mangni gita gnang ine parakataha.

Expert committee-o a·dokni a·palchini manderangko songani gimin sorkarini chanchie ra·baenggipani bidingo VPP dolni chanchianiko sing·on, iakode chinga sorkarinan pakwata, maina expert committee-ko songchina gitan chinga sorkariko didiaha aro sorkari da·o iana kamko ka·enga, chinga iani giminde mamingoba neng·nikani dongja ine ua aganchakangaha.

Ja•mano traffic police-rang ua biapona re•baenba, uamangni garirangko ua biaponiko ra•jitangchina ge•eton, dolgnini gisepo adita ding•chaogrike jegrikanirangkoba nikna man•aha.

Meghalaya Education Symposium-ko ong•atani bidingo talate on•angengon, ian dingtang dingtang cholrangchi lekka porani a•bako namdapatna gita sorkarini on•kange kam ka•aniko mesokani ong•enga ine Sangma parakataha.

Ua Churachandpur-ona Bristibar attamni 2:00 bajimango sokange, so•sojengjeng ong•anio sianggipa manderangko mande ra•na gita tarie dongipa biapko nieaha.

Polygamy ba saksana bate bia ka·na man·ani niamo expert committee, uamangni report-ko on·soa ong·ode re·baenggipa assembly tom·anio chinga ua niamni kosako ong·gipa minggipin niamko ra·gatani gimin chanchirimaniko dakgen, aro maibakai uamang report-ko on·na man·jaoba, re·baenggipa bilsi January jani gisepo assembly tom·ao chanchirimaniko dakangskagen ine Assam-ni skotong minister agandapataha.

Indake ong·genchimoba, uni gimaenganiko police station-o maming u·iata dongskajahachim. Uni sogimin manggisiko ja·mano sambajolo donggipa buringonikosa man·eaha.

National Test Agency (NTA)-ni Section I Language-o Meghalaya a·doko jakkalbatgipa ku·sikrangkode napatjahani gimin chatro chatrirangni namgnina Section I Language-o Garo, Khasi aro Alternative English-koba donatchina gita Meghalaya a·dokni Chief Minister Conrad K Sangma, Union Education Minister Dharmendra Pradhan-na sedoataha.

‘Waris Punjab De’-ni dilgipa Amrit Pal Singh-ko uni jikgipa Kirandeep Kaur aro Daljit Singh Kalsi-ko uni jikgipa Neeru Kalsi baksana uni depante Simarjeet Sunny Singh Kalsi, Bristibar salo, Dibrugarh Central Jail-ona re·bae grongeaha.