Shillong, Feb 15: Meghalaya a•doko songdongenggipa manderang, an•tangtangni neng•nikanirangko aro nanganirangko sorkarina u•iatna man•na gita Bristibar salo, Meghalaya a•dokni Chief Minister Conrad K Sangma, CM-CONNECT program-ko a•bachengate on•angaha.
Ia program-ni ning•o manderang, an•tangtangni dingtang dingtang neng•nikanirangko aro nanganirangko sorkarina u•iatna man•na gita Helpline No 1971-ko jakkalna man•gen.
A•doko namroro silroroaniko ra•bana gita sorkarini kam ka•anio a•doko songdongenggipa manderangkoba bak ong•atpana gita ia program-ko Chief Minister an•tangan a•bachengataha.
Ia CM CONNECT program-ko a•bachengatna gita North Eastern Hill University (NEHU) Shillong Campus-ni Convention Centre-o tom•aniko ong•atanio a•dokni Chief Minister, jinmana aganprakangengon, ia program-chi manderang dingtang dingtang kamrangni bidingo sing•atna gitaba man•gen aro sorkari, manderangni nangnikani gita aganchakanirangko on•gen ine parakataha.
Ia CM CONNECT program-ara salgro salaram jolosan ong•aigija a•song gimikon namen dingtangmanchagipa program ong•enga ine janapatengon, ia program-ni ning•o department ge•antian single window platform-chi connect ka•ako man•aha ine Chief Minister aganaha.
Ia program-ni ning•o a•dokni manderang, Whatsapp baksana dingtang dingtang social media-rang gitaba sorkari baksa agangrikna man•gen aro Helpline No. 1971-ba pring 8:00 bajioni attam 8:00 bajiona Khasi, Garo aro Jaintia ku•sikrangko man•chape gimik mingbonga ku•sikrangchi kam ka•gen.
Ia apsan salon a•dokni Chief Minister, MegARISE, Meghalaya State Organic Mission 2.0 aro uandakgipa program-rangkoba a•bachengate on•angjolaha aro unbaksana Green Meghalaya aro FOCUS program-ni tangka paisarangkoba suale on•angjolaha.
Na·simang Iakoba poraie nina man·gen:Personal interview ra•aniko dondikatchina inenba KHNAM jingjengata
Na•simang Ia video-koba nina man·gen:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
