New Delhi, Jul 17: Sukrobar salo, Election Commission of India (ECI), All India Media Conference 2026-ko New Delhi-ni India International Institute of Democracy & Election Management (IIIDEM)-o ong•atangaha aro ia conference ba tom•bimonganiko ong•atanio Garo Hills-oni sakgniko man•chape, Meghalaya a•dokni sak 12 journalist-rangba, dam 36 a•dokrangoni gimik sak 450 journalist-rang baksa bak ra•angpaaha.
Ia salsana ong•atanggipa media conference-o, election-rangko jakgitele aro nama bewalo ong•atanio media-rangni daitorangko talate on•angan baksana election-ni kamrang aro Election Commission-ni gitalbatsranggipa kamrangni bidingo journalist-rangna agan-talatanirangko on•angaha.
Ia conference-ni technical session-rangko ong•atanio, election-ni kamrango media-ni daito, ECINET-ni digital platform aro election-rango technology ba gital kol jakkalaniko bariatan baksana election-ni niamrangkoba agan-talate on•angaha.
Ia conference-ko ong•atanio journalist-rang, electoral roll-rangko tariani, pu•onani niamrang, vote-rangko channani aro maikai dingtang dingtang gadangrango election-ko ong•ata, uarangkoba skie ra•na man•aha. Ia program-ko ong•atani bak gita dingtangmancha quiz competition-koba ong•atangaha.
Ia media conference-ko ong•atanio, Chief Election Commissioner Gyanesh Kumar aganprakengon, Special Intensive Revision (SIR)-ko ka•ani bidingo janapangenba, biapo donggijagipa, gipin biaprangona apjitanggipa, sianggipa, gipin a•songrangni aro biap damgnio pu•onenggipa manderangni bimingrangko den•gale, bilsi 18 gapgimin a•songtangni manderangko biming segatenba, electoral roll-rangko taripilna gitasa ong•atenga ine talataniko on•angaha.
Je manderangni bimingrangkon ma•sisrete den•galmanahachim, uamang a•kanganirangchi, jegalanirangchi ba mol•molachi an•tangtangni bimingrangko segatpiltaina man•gen ineba Kumar aganaha.
SIR-ko ka•anichi a•songo sak crore 60-na baten pu•ongiparangko nigopna man•aha ine janapatengon, SIR-ko dakanio bakrimaniko on•engani gimin Chief Election Commissioner, dingtangmancha a•songni manderangko mittelpilangaha.
Na·simang iakoba nina man·gen:
Na·simang iakoba poraina man·gen: U Tirot Sing-ni siani salko manianio rong•mesak bikotaniko warachakna KSU ku•mikcheta
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
