Shillong, Jul 17: U Tirot Sing Syiem-ni chang 191-gipa siani salko Sukrobar salo, Khasi Students Union (KSU)-ba gisik ra•e maniangaha aro ia salko manianio U Tirot Sing-na mande ra•pilskaaniko on•ani chin gita a•doko rong•mesak bikotaniko warachakna ku•mikchetangaha.
Ia salko gisik ra•e manianio KSU-ni president Raymond Kharjana aganprakengon, ia salara, U Tirot Singh-ni jatna on•kanganiko nipilenba, jatna an•tangtangko on•kange kam ka•na re•mikkangani somoi ong•enga ine aganaha.
South West Khasi Hills a•jani Domiasiat aro samba jolrango rong•mesak bikotaniko jegalna a•dok sorkarini resolution ra•na ku•rachakahani gimin mittelpilangengon, rong•mesak bikotaniko champenganio resolution-ko ra•mangmangaiachide kamko bon•chipatna nangja indiba ia jolrango maini gimin manderang, a•arangko bretokenga, uarangkoba am•sandina nanga ine Kharjana aganaha.
Rong•mesak donggipa biaprangona rama tarina miksonganirangko KSU knasona man•aha ine janapatengon, rong•mesak bikotaniara ia jolrango songdongenggipa manderangna ‘janggi aro siani kattasa’ ong•enga aro iako champengna gita KSU, an•tangtangni janggirangkoba on•kangna tariaha ine Kharjana aganaha.
Inner Line Permit (ILP)-na dabienggipani bidingo gisik ra•atpilaniko on•angengon, gipin biaprangoni re•napbaenggipa manderangko nirokna niamrang dongjagenchimode a•doko songdongenggipa Tribal-rangna kenchakna nangani ong•enga ine KSU president aganaha.
Jatko chel•chakna gitasa U Tirot Sing, an•tangni janggiko on•kangaha ine janapatskaengon, ia chasong gitalni chadamberang, jatna aro a•songna an•tangtangko on•kangna ka•donggenchimode ian mikkangchi jatna dal•batsranggipa boksis gita ong•gen ine Kharjana aganaha.
Na·simang iakoba nina man·gen:
Na·simang iakoba poraina man·gen: Chakhoma Public Organisation (CPO), Maova songo ong·enga obostani bidingo tom·tom re·jomaniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
