Sombar pringni 11:00 bajimango, Madanriting police station-ni ning•o donggipa Smit-ni nok te•sao gopretanichi mande saksa so•otako man•aha.

Sombar salo, YESS Meghalaya program-ni bilsisa gapaniko Shillong songjinmani Pinewood Hotel Banquet Hall-o manianio, a•dokni Chief Minister Conrad K Sangma-ba bakko ra•angaha aro ia tom•anio ua jinmana aganprakengon, chadamberango dakna skanirang bang•en donggenchimoba an•tangtangni changa sapanirangko mesokna gita maming dakchakanirangko man•jaengani gimin a•dok sorkari, ia YESS program-chi chadamberangna cholrangko on•na kamko ka•enga ine parakataha.

Meghalaya a•dokni dam 844 adhoc upper primary (UP) skulrangko deficit gadangona ra•doatchina dabienggipani bidingo sorkariko gisik ra•attaina gita Sombar salo, Meghalaya Upper Primary School Association (MUPSTA)-ni dilgiparang, a•dokni Education Minister Rakkam A Sangma-ko grongeaha.

Meghalaya-ba ge·sa a·dok ong·pae, bading-chiwalanirangko dake a·dokna namgniko ra·bana gita pangnan on·kangenga ineba Pa Sangma agandapataha.

Kobor on·ani gitade, dosko dakgipa saksa autorickshaw salgipa Babu Tumang, class 8-o poraienggipa bilsi 16 ong·gipa me·chikko kal·akani ja·man so·otenba Digaru chibimao uni manggisiko galone donangahachim.

Ia Inter Mahari Football Tournament-ko a·bachengatani bidingo talate on·angskaengon, ia kal·susaaniko 2021 bilsio Matchakolgre kal·chakramo a·bachengataha, jeon dol 16 robol kal·giparang bakko ra·angaha ine DSO parakataha.

Manipur a•doko ong•enggipa obostarangna Manipur a•dokni Chief Minister N Biren Singh, kamtangko watna manchiahaoba, Sukrobar salo bang•bea manderangni una chakpaaniko nike, ua kam watna manchianiko ra•pilaha.

Garo Hills-o skanggipa Zip Linning spot--ko West Garo Hills a·jani Gambegre constituency-ni ning·o donggipa Aminda Rangsa songo a·bachengate on·angnasienga.

Ge·sa bill-ko ra·gatanichi a·songo songdongenggipa pilak jatnan apsan niamko ra·gatna miksonge ma·mong sorkarini chanchie ra·baenggipa Uniform Civil Code (UCC)-ko jegalsoengon, ia bill-ara India a·songko dingtangmancha miksongani gnang rikbaengani kosako ong·skaa ine National People’s Party (NPP)ni padot aro a·dokni skotong minister Pa Conrad K Sangma, Sukrobar salo aganangaha.

Nongpoh-ni Bethany Hospital Outreach-o skanggipa changna atchidaldal bi•sako Peritoneal Dialysis dakanio ba nosto ong•gimin ka•rongteko sannanio chu•sokgipa ong•aha ine kobor on•aha.