23.2 C
Tura
spot_img

Nongpoh-ni Bethany Hospital-o Peritoneal Dialysis-ko chu•sokata

Must read

Nongpoh, June 30: Nongpoh-ni Bethany Hospital Outreach-o skanggipa changna atchidaldal bi•sako Peritoneal Dialysis dakanio ba nosto ong•gimin ka•rongteko sannanio chu•sokgipa ong•aha ine kobor on•aha.

Ia peritoneal dialysis-ko Hospital-ni Consultant Paediatrician Dr D Ranee-ni dilanichi chu•sokataha aro ia dialysis-ko dakanio una hospital-ni gipin doctor aro nurse-rang dakchake on•aha.

Advertisement

Koborko on•ani gitade, re•anggipa May-ni 30 tariko, Nongpoh Civil Hospital-o bi•sa saksa atchiahachim indiba ua atchionin grapjahani gimin civil hospital-ni doctor-rang ia bi•sani janggina kenchake Bethany Hospital Outreach-ona watataha.

Bethany Hospital Outreach-ona sokangani ja•man, hospital-ni doctor-rang uko porikka ra•e nion, ia bi•sani ka•rongteo saknaani donga ine nikenba ja•mano ia bi•sako peritoneal dialysis dake namatna gita man•aha.

Peritoneal dialysis dake ia bi•sa an•sengbarorona man•aha aro uandaken ia bi•sako June 22 tariko hospital-oniko watpilataha.

Iakoba poraie nina man·gen: Tourism vehicle scheme-ni ning•o bol 12 Innova Crysta garirangko CM pakwate on•anga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

spot_img

More articles

spot_img
-->

Latest article