Ganol chibimako rongtalatanio, Tura Municipal Board (TMB), SDRF, block office, Ganol project aro dingtang dingtang dolrangoni gimik sak 65-mangni gita manderang bakko ra·angaha.

Manipur a·doko ong·enggipa obostarangni bidingo chanchirimna gita Union Home Minister Amit Shah-ni tom·aniko ong·atanio Meghalaya a·dokni Chief Minister, Manipur-o tom·tomaniko ra·bapilna gita man·na gita ja·kurangko de·china ma·mong sorkariko didiataha.

Koborko on·ani gitade, Mankachar police station-ni dolsa sipairang, attamni 6:30 bajimango, ia mandeni nokko chadrapeaha aro uni nokoniko Benson & Hedges Special Filter Cigarette bundle 46, mikrono nongani kajolrang aro me·chikrangni packet 17 brarangko man·aha.

“A·dokona pekgipa samrangni sokbaaniara a·doko songdonggipa chasong damberangni mikkangchi janggi tanggniko nosto ka·na ba uamangko bilgriatna gita a·palchini napsrukbae kamko ka·ani gita ong·enga, maina ia mamlao Happy Valley jolniko rim·ako man·gipa manderanga a·palchini re·bagipa manderangsa ong·aniko chinga nikna man·a ineba Marngar parakataha.

A·songni niam-bidikni Sixth Scheduled-o on·gimin bilni ning·o jatni namgnina aro jatko chel·chakna gita KHADC-ni a·ja ning·a kakketode Uniform Civil Code-ko maming dakeba ra·gatpajachina gita ma·mong sorkario mol·molaniko dakna gita House-o jinma tik ka·e donangaha ine KHADC-ni CEM Pa Pyniaid Sing Syiem, da·omiting Council-o tom·aniko ong·atanggipao iani gimin MDC rang baksa chanchrimaniko dakani somoi parakataha.

Ia dabianiko bobil dolni dilgiparang, ma·mong aro a·dok sorkari baksa skanggipa gadango tom·tomanina agangrikaniko dakangani somoioba janapangahachim ine nikatna man·a.

Agangrikani niamde batanggimin chang skanggipa gadango sima-ari gimin golpogrikanga gitan apsan ong·aigen ineba ua agandapataha.

Meghalaya Sports Council-ara Sports & Youth Affairs department-ni bakan ong•ani gimin ia stadium-ni be•aniko nina aro mikkangchi a•sel ong•dapgnirangko champengna gitasa ua ia biapko nina gita re•baaha ineba Syiem parakataha.

Iani bidingo talatangengon, TMB-o supervisor-ni kamko ka·enggipa Pa Stemson Sangma, Tura bajaro dokan dake cha·enggipa mitam manderangniko niam gri skatang kajinarangko ra·enganiko nikna man·a ine NGO-ni dilgiparang parakataha.

Meghalaya a•doko songdongenggiparangna aro dingtang dingtang department-rangna bijoliko chu•onga gita on•na man•jaengani gimin dingtang cholrangkoba sandina gita nangenga ine janapatengon, balwa ba salrangoniko bikotgipa bijolirangko jakkalskana gita sorkari cholrangko sandienga ine Power Minister parakataha.