28.2 C
Tura
spot_img

Be•wakanggipa PA Sangma Stadium-ko Meghalaya Sports Council nianga

Must read

Tura, June 23: Bristibar pringo mikkarang jimbee waangani ja•man be•wakanggipa PA Sangma Stadium-ko Sukrobar salo, Meghalaya Sports Council-ni Chief Engineer nina gita re•baaha.

Ia be•wakanggipa stadium-ko niangani ja•man Hub News baksa agangrikengon, ia stadium-ko Hindustan Steelworks Construction Limited (HSCL)-sa sorkarini pal rikahani gimin ia stadium-ko rikpiltaina gita HSCL-ni manderang, nanga gita ja•kurangko de•anggen ine Meghalaya Sports Council-ni Chief Engineer BM Syiem parakataha.

Meghalaya Sports Council-ara Sports & Youth Affairs department-ni bakan ong•ani gimin ia stadium-ni be•aniko nina aro mikkangchi a•sel ong•dapgnirangko champengna gitasa ua ia biapko nina gita re•baaha ineba Syiem parakataha.

Ia stadium-ko taripiltaina gita HSCL-o technical dolrang donga ine talataniko on•angengon, da•o dipet ia stadium-ni be•wakanggipa biapchipak manderangna kenchakna nanganirang dongkuengani gimin be•wakanggipa biapchini ramako chipe donatchengna nangenga ine Meghalaya Sports Council-ni Chief Engineer parakataha.

Mikkarang tipangahaosa stadium-ko ripiltaina man•gnok ine janapatengon, ia a•sel ong•aniko HSCL-ni official-rangba ma•simanahani gimin nanga gita ja•kurangko de•anggnok aro ua da•o antigni ba antigittamni gisepon ia biapko nina re•bapilgen ine Syiem parakataha.

Iakoba poraie nina man·gen: PA Sangma Stadium-ni pakma be•wakani a•selko am•sandienga: DC

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

spot_img

More articles

spot_img
-->

Latest article