Tura, June 25: Tura, Chandmary-o donggipa Government Boys Higher Secondary School-ni kal·chakramo Tura Football League (TFL) 2026-27-ni 2nd Division-ko ong·atgipani 3-gipa salo Group C kal·susaanio, Seltang FC aro Nokrek Medan dol chegipa ong·aha, jeon chu·gimik goal 12-ko chipangaha.
Seltang FC-na Fiftheen Ch. Marak goal 2-ko, Lambai A. Sangma goal 2-ko aro Christbirth R. Sangma-ni goal 1-ko chipe on·anichi, Jendra FC-ko 5-3-chi amataha. Indake ong·engon, Derikbath Marak goal 2 aro Sengsrang Ch. Marak goal 1-ko Jendra FC-na chipe on·angskaaha.
Iani 2-gipa kal·susaanio, Nokrek Medan 3-1-chi Dura Wa·saa-ko amatskaaha. Ronal G. Momin-ni, skanggipa goal-ko chipe on·a ja·man, Brilliant Ch. Marak aro Kreningbirth D. Sangma goal prak chipangaha. Indake ong·engon, Jonathan Puwein goal 1-ko Dura Wa·saa-ni chipe on·aha.
Da·o dipet, kal·susaaniko ong·atanio dol ge·prakan komibeoba goal 1-kode chipahani gimin ia league-ara baditan bilsugrikgipa ong·achim uko mesoka ine official-rang aganangaha. Re·baenggipa June jani 26 tariko, Group D-ni kal·susaaniko ong·atanggen jeon Chitoktak YC baksa Mrigre SWC, aro Dilneng SCC baksa Ashugre-ni susagrikaniko nikangna man·gen.
Na·simang iakoba nina man·gen:
Na·simang iakoba poraina man·gen: Telangana-ni Command Centre gita dake M’laya-oba kulina cholko nigen: Conrad
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
