Manipur a•doko dingtang dingtang jatrangni gisepo so•sojengjeng ong•ani aro dakgrik dinggrikaniko namatna gita ta•raken ja•kurangko de•china mol•mole Budbar salo, Manipur a•dokni Tribal hijrarang, Maruploi Foundation-ni bimingo Manipur a•dokni Governor-na sedoataha.

Tura, NEHU-ni Department of Management-ni Professor Jaynal Uddin Ahmed-ni nirokatani ning·o “Perceived Customers Satisfaction towards Innovative Services: A Study on Meghalaya Rural Bank”

Garo Hills-o manderangni rotogipa aro nina nitobegipa biaprang bang•en donggenchimoba, gipin biaprangoni re•bagipa tourist-rang komiengani a•sel tourism-ni kamrang tang•dona gita man•jaengani gimin, Budbar salo West Garo Hills a•jani Additional Deputy Commissioner (ADC) AVD Shira aro Tourism Ministry North East-ni Regional Director Anil Oraw-ni dilanichi, kamrangko nipiltaina gita Tourist officer-rang aro tourism-ni kamo bak ong•enggipa dingtang dingtang dolrang baksa Tura-ni Circuit House-o tom•aniko ong•atangaha.

South West Garo Hills a•jani Mahendraganj constituency-ni ning•o donggipa Geghapara Urban Health & Wellness Centre-ko Budbar salo, jolni MLA Sanjay A Sangma-ni jakchi nokdonggae on•angaha aro ia centre-ko nokdonggae on•anganio Zikzak MDC Aktar Ali, Zikzak Block-ni BDO Jayanta Hajong aro gipinrangba dongpae bak ra•angaha.

Manipur -ni a·kawe jolrango jelbatgipa Meitei jatrang aro a·bri jolo songdong-a·chagipa Kuki jatrangni gisepo dal·en kajia-golmalrang batanggimin somoio ong·angani a·sel, a·doko songdongenggipa tribal manderangna chel·chakaniko on·china aro a·doko tom·tomaniko ra·bapilchina gita ma·mong sorkario mol·mole, Manipur-ni tribal jatrang salni bako re·jomaniko ong·atanggipao bang·en bakko ra·angtokaha.

Shillong, June 7: A·doko bijoliko bikotenggipa Shillong-o chi dim·changgipa Barapani ba Umiam-oni chi namen komiaha aro bijoli bikotaniko bon ka·aona sokna gitik dakpile chi...

Gangtok, June 7: India aro Nepal a·songni simao multi-trade corridor ba a·song damgnini gisepo bading chiwalgrikram ramako kulina gita miksonge Mongolbar salo, Sikkim a·dokni...

Ia obosta ong·ani West Khasi Hills a·jani Umsaw Tyllang songo ong·ahachim aro ia a·selni bidingo bilsi 10 ong·gipa me·a bi·sako kragija dake kal·akani ja·mansa ma·sina gita man·ahachim.

June jani a·bachenggipa antio Ma·mong sorkari, Meghalaya sorkari aro Hynñiewtrep National Liberation Council (HNLC) bodil dolni gisepgriko tom·tomanina agangrikna gita manchisoenggipani bidingo a·dokni skotong minister, Manipur-o ong·enggipa obostarangni a·sel agan-golporimna chol dongjaenganiko Mongolbar salo parakangaha.

Salsa salgnini gisepon Reservation roster-ni Office Memorandum (OM) ong•katna siengahani gimin a•dok sorkari, dingtang dingtang department-rango kamo ra•aniko a•bachengpiltaina tik ka•aha ine Mongolbar salo Cabinet tom•a matchotani ja•man, Meghalaya a•dokni Chief Minister Conrad K Sangma parakataha.