Tura, Mar 20: Tura-ni Babupara jolo donggipa Garo Labour Corps-ni Cenotaph-ko pe•galani bidingo ma•sisretanirang ong•katengani gimin ia biapo commercial complex-ko rikna miksongani dongja indiba ia Cenotaph-ko nambate aro nitobatate tarinasa miksongenga ine Tura Municipal Board (TMB)-ni Executive Engineer Kometh Marak talataniko on•angaha.
Marak-ni parakatani gitade, ia cenotaph-o attamantian churing chupeke roanirangko nikna man•engani gimin aro bilsiantian Garo Labour Corps Day-ko manianio ramarang apchangket ong•atako man•rongani giminsa TMB, ia biapo garirangko donchakna man•e aro nitobatate tarina miksongenga.
Ia Cenotaph-ko skango gitan, a•gilsak gimikni dakgrikanio France a•songona dakchakna re•anggipa A•chik pagitchamrangko mande ra•na tarie donangkugen ine janapatengon, ia biapko apalbatate aro manderangna asongchakanirangko done tariskanasa miksongenga ine TMB-ni Executive Engineer parakataha.
A•bachengo ia biapna ‘design plan’-ko tarianio ‘restaurant’-ko janapani donggenchimoba ia biapo cha•ani palgipa dokkanrang dongjawa indiba maniani salrango cha•chak ringchakna gita dingtangmancha biapko done tarigen ineba Marak talataniko on•angaha.
An•tangtangko on•kange France a•songona re•anganio janggitangtangko gimaatna nanggipa A•chik pagitchamrangko ua an•tangba mande ra•a aro uamangko gisik ra•na ia biapko nambate tarinasa TMB miksongenga ineba Marak aganaha.
Iani bidingo saoba talbate ma•sina sikgenchimode ua talate on•na kusi ong•aigen ine janapatskaengon, manderangni skani gride maming kamrangko a•bachengkujawa ine TMB-ni Executive Engineer, ku•rachakaniko on•ataha.
Na·simang ia video-koba nina man·gen:
Na·simang iakoba poraina man·gen: Tangka paisani gita neng·nikani a·sel MeCL-o kamna rakkianiko dondikatkuenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
