Shillong, May 1: Census of India 2027-ni ning•o digital self-enumeration campaign ba an•tangtangan nokni manderangni gimin u•iatani program-ko Sukrobar salo, Meghalaya a•dokni Governor CH Vijayashankar, Lok Bhavan-o a•bachengate on•angaha.
Ia program-o a•dokni Governor an•tangan Self-Enumeration Portal-o bimingko segatenba, ia kamko a•bachengate on•angaha aro a•dokni manderangna dake mesokangaha.
Ia campaign-ko a•bachengatna gita tom•aniko ong•atanio a•dokni Governor, jinmana aganprakangengon, ia digital self-enumeration ba internet gita an•tangtangni gimin u•iatani kamara namen altubegipa, nikrangragipa aro jakkaltobegipa ong•a ine ia kamo pilakkon bak ra•china didiangaha.
Ia bilsini Census-ko ka•anio maming sesretani gri, name aro somoi gita matchotatna man•gen ine ua, Directorate of Census Operations-ni office-na an•tangni namgipa skanikoba on•angaha.
Ia an•tangtang biming segatani cholko a•doko songdongenggipa manderangna, May 1 tarikoni May 15 tarikona on•anggen aro iano nokdang ge•antian, an•tangtangni nokdangrangni gimin online platform-o gapate on•na nanggen. Ja•mano iako enumerator-rang, nokdang ge•prakprakchi re•e biming segatanio, name nipiltaianggen.
Ia tom•anio bak ra•gipa official-rangni u•iatani gitade, ia online self-enumeration program-ara, Census 2027-ni mongsonggipa bak ong•enga aro ian technology-ko jakkale kamrangko nambatatna gita sorkarini kang•kare kae kam ka•aniko mesokani ong•enga.
Census-ko ka•anio a•doko songdongenggipa nokdang ge•antikon segatna man•na gita ia self-enumeration program-o somoi gita bak ra•chinaba official-rang, a•doko songdongenggipa manderangko didiataha.
Ia digital self-enumeration campaign-ko a•bachengatanio, Meghalaya sorkarini Commissioner & Secretary aro Census-ni State Nodal Officer Dr Pooja Pandey, India sorkarini ning•o donggipa Census Operations-ni Director Biswajit Pegu aro gipin official-rangba dongpae bak ra•angaha.
Na·simang iakoba nina man·gen:
Na·simang iakoba poraina man·gen: Tura-o Inter School Athletics Meet-ko a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
