Shillong, Oct 17: Bilsiantian sak 7000-na baten chadamberang kamrangko ka•na re•ongkatengani gimin chadamberangna janggi tangani cholrangko on•na man•na gita sorkari, dingtangmancha policy ba niamrangko tarina nangao ga•aka ine Mongolbar salo, Meghalaya a•dokni Chief Minister Conrad K Sangma, Jowai-o CM Elevate program-ko a•bachengate on•angani somoio jinmana parakataha.

Chief Minister-ni parakatani gitade, sorkarini kamrangko sandienggipa chadamberang bang•genchimoba pilakanade sorkari kamrangko tikate on•na man•jani gimin sorkari, chadamberangna dingtang dingtang kamni a•bao janggi tangani cholrangko on•skana jotton ka•enga.

Good to be back in Jowai to launch the CM-ELEVATE program for Jaintia Hills region. Over 20,000 Aspiring Entrepreneurs from across Meghalaya will be supported through CM-ELEVATE through a financial grant up to 75% for the next 5 years with an investment of ₹300 Crore. This is… pic.twitter.com/Qdh3IHoUso

— Conrad K Sangma (@SangmaConrad) October 17, 2023

CM Elevate program-ni ning•o, bading chiwalgiparangna, self help group (SHG)-rangna aro uandake an•tangtangko dakchakenggipa dingtang dingtang dolrangna 30 percent-oni 75 percent-ona kingking subsidy-rangko on•ani donggen ine Chief Minister parakataha.

Ia CM Elevate program-na sorkari, gong crore 300 tangkarangko chame donaha aro ia program-ni ning•o sak 20,000-mangni gita bading chiwalgiparangko dakchake on•anggen ineba Chief Minister aganaha.

Ia program-ko ong•atanio a•dokni Chief Minister Conrad K Sangma, Jaintia Hills-ni MLA sakgni, chong•motan Wailadmiki Shylla aro Santa Mary Shylla baksa Jaintia Hills-ni dingtang dingtang village organization-rangna aro chadambe dolrangna Yess Meghalaya, Green Meghalaya aro SHG Movement-ni ning•o gimik gong crore 1.25-ni cheque-rangkoba suale on•angjolaha.

Jaintia Hills a•jaona re•anganio a•dokni Chief Minister, U Kiang Nangbah College aro Jowai Civil Hospital-koba niangjolaha.

Iakoba poraie nina man·gen: Capt WA Sangma-ni siani salna WGH-o chutti on•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub