Imphal, June 8 : Sonibar salo, silchidare gnang golmal ong•taianio, Manipur-ni Jiribram a•jani ning•o donggipa bang•a police outpost-rangko chadrapan baksana bang•bea nok jamrangko, chanchichipenggipa bobil dolrang so•e galangaha.
U•iatani gitade, ia bobil dol dakgiparang chiring gita re•baenba chadrapanirangko aro wa•al so•aniko dakangaha.
“Chotobekra outpost-ko walni 12:30 bajirango so•a jaman, Lamtai Khunou aro Modhupur-ni outpost-rangko chadrapan baksana chiring sambajolo donggipa bang•a songrangkoba chadrapaha,” ine police dolrang u•iataha.
Chotobekra-oni banggija kilometre-rango donggipa, Jiribram Sub-division-ni Borobekra OP-o ga•akgipa officer-ni aganani gitade, chanchichipenggipa bobil dolrang walni 2:30 bajirango uamangni OP-ko chadrapna a•bachengataha.
Banggija salrangna skangsan, bilsi 59 ong•gipa me•apa saksako Kuki bobil dol dakgiparangni so•ota jaman so•so jengjeng ong•a jaman, Assam Rifles dolrang, sukrobar salo Jiribram-ni diltugipa biapo donggipa sak 250 Meitei jatrangko ua biaponiko naljokgipa biapona rimongkatangahachim.
Jiribram a•ja ian Assam sima ari-o donggipa biap ong•achim jeon dingtang dingtang chona dala jinma jatrang melie donggipa biap ong•achim. Aro re•anggipa bilsioni, Manipur a•doko so•so jengjeng ong•chengaoni ia biap da•alona maming nangchakea gri ong•engachim.
Jiribram a•ja, Imphal-oni 220 kilometre mangni gita chelao, Assam sima ari-o donggipa ong•achim. National Highway 37-ba ia a•ja gitan napakachim. Ia highway-ni wilwilao dongipa a•brirango, bang•a Kuki songrang gnangchim.
Iani gisepon, bobil dakgipa dolrangko rim•na gita chelchakgipa dolrang mongsonggipa am•sandianirangko a•bachengataha.
Na·simang ia video-koba nina man·gen:
Na·simang iakoba poraina man·gen: Amritpal Singh-ko Dibrugarh Central Jail-ona re•bae uni maa pa grongea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
