Shillong, Nov14:  Meghalaya a•dokni Skotong Minister, Conrad K Sangma, India-ni Forestry-ni bidingo chang 13-gipa JICA National Workshop-ko, Shillong-ni Taj Vivanta-o November jani 13 tarikoni 15 tarikona ong•atgipao bak ra•angaha. Ia program-ko Meghalaya Basin Development Authority (MBDA)-ni gita Community-based Forest Management & Livelihoods Improvement in Meghalaya (MegLIFE) project-ni ning•o “Adapting Together: Community-Driven Solutions for Climate Resilience” ine katta bichongko donne ong•atangaha.

Skotong Minister, Conrad K Sangma, tom•anio aganengon, iano bak nanggipa pilak manderangko mitelan baksana a•dokni gita maternal mortality rate ba bi•sa oko kemiting ba bi•sa man•a bik sianiko komiatna rake kam ka•anikoba u•iatangaha.

Meghalaya a•dok 76%-ni gita buringraragipa biap ong•genchimoba, sambolrangko ripingangkuna gita bang•a pangkamgipa ja•ku de•anirangko nangengkua inenba, Sangma aganangaha. Sorkarini gita bang•a dingtanganirangko ra•bana ja•ku de•anio jinmani ku•cholsan ong•e kam ka•ani nangchongmotani giminba ua janapangaha.

Uasan ong•aigija, Skotong Minister, sorkarini gita gital ja•ku de•anirang jekai, Payment for ecosystem ba songni gita sambolrangko ripinganio dakchakpaani, chi chimongchakna gita dam 5,000 springs ba chimik ba chiringko sandie automatic check dam-rangko tariani gimin aganangaha.

JICA, MegLIFE, aro MBDA baksa sorkarini on•kange kam ka•ani gimin aganengon, samtangtango donggipa ong•telaigiparangni bidingo noksul a•dokrang baksa bakrime kam ka•ani gamchatani giminba ua ku•pattiangaha.

MegLIFE-ni Project Director, Dr. D Vijay Kumar, IAS, Development Operation-ni Chief, Vineet Sarin, JICA India-ni Rajesh S, IFS, Forest-ni Inspector General, Environment Forest and Climate-ni minister aro Meghalaya sorkarini, Forest and Environment-ni Principal Secretary, Sampath Kumar, IAS, iamangba tom•aniona re•bae bak ra•angpaaha.

Na·simang ia video-koba nina man·gen: 

Na·simang iakoba poraina man·gen: NEHU-o ong•enggipa obostarangni bidingo am•sandichina Inquiry Committee-ko songa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub