Tura, 25 Jan: West Garo Hills, District Election Officer-ni chang 15-gipa National Voters’ Day-ko Tura-ni DC park-o ong•atanio, Tura-ni voter-rangba gipin a•songrang baksa ku•mikchetaniko sonibar salo dakangaha.
“Nothing Like Voting, I Vote For Sure” ingipa katta bichongko donne, vote pu•onani gamchatani, vote on•ao bak ra•anio rasong chaani aro gital pu•ona sigiparangko rim•chaksoaniko mikpakma nie tom•bominganiko ong•atangaha.
West Garo Hills-ni Deputy Commissioner, Jagdish Chelani, mongsonggipa sokgipa ong•e aganprakatengon, vote pu•onani ian democracy-ni gamchatbegipa bak ong•an baksana a•songna an•tangni dakgni kam ong•a ine aganan baksana, vote ge•prakan gamchata aro ian mikkangchina tarisamsoaniba ong•a ine agandapangaha.
Una agreba, ua chadambe aro skanggipa changna vote on•enggiparangko pu•onanio bak ra•china aro dingtanganiko ra•bachina gitaba didiataha.
Ia election-ko mikkang niteagri aro tom•tom ong•atna man•a gita rake kamrangko ka•ahanina ua election official-rang, ADC-rang, booth level officer-rang aro sector officer-rangko mittelangaha.
Una agreba, skulni skigiparang jemangan booth level officer-rang ong•e re•batokahachim uamangko iano gisiko nange kamrangko ka•a gitan chatro chatrirangna skie on•anioba indake rake kamko ka•e lekka pora bidako on•anio dingtanganiko ra•bachina gitaba didiataha.
Ia tom•bimonganiko ong•atanio, mongsonggipa sokgipa voter pledge ba pu•ongiparangni ku•mikchetaniko dilangaha, indake ia tom•bimonganio Deputy Commissioner aro Superintendent of Police, Best Booth Level Officer-rangko certificate-rang aro momento-rang baksa mande ra•aniko dakangan baksana West Garo Hills-ni ning•o donggipa bilsi 18-oni 19 ong•gipa gital bimung segatgiparangna voter ID card-rangkoba suale on•angaha.
Best Booth Level Officer Award-rangko man•giparangani bimungrangara –
46- Phulbari (GEN)-ni BLO, Prenolish K Sangma, 47- Rajabala (GEN)-ni BLO, Hamidul Islam, 48- Selsella (ST)-ni BLO, Benabith Ch Marak, 50-North Tura (ST)-ni BLO, Salan N Marak, 51-South Tura (ST)-ni BLO, Pandina R Marak, 52-Rangsakona (ST)-ni BLO, Siljon M Marak, 56-Gambegre (ST)-ni BLO, Gremfield R Marak aro 57-Dalu(ST)-ni BLO, Pradip Koch ong•a.
Tura-ni ADC (Election), Nipon Hajong aro Superintendent of Police, Abraham T Sangma baksana gipin department-rangni official-rang, booth level officer-rang, chadambe voter-rang aro district official-rangba iano dongpae bak ra•angaha.
Ia tom•bimonganio Cinda Guri Sangma-ni git ring•anikoba nikangna gita man•aha.
Na·simang ia video-koba nina man·gen:
Na·simang iakoba poraina man·gen: 100 Days TB Awareness Campaign-ko Rangsakhona PHC-o ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
