Shillong, July 3: India aro Mongolia a•songni gisepo chang 16-gipa Joint Military Exercise ‘NOMADIC ELEPHANT’-ko Budbar sal dipet Umroi-ni Foreign Training Node-o a•bachengataha.
Ia Joint Military Exercise-ko July 3 tarikoni July 16 tarikona ong•atenga aro ia Military Exercise-o India a•songni pal Sikkim Scouts-ni sak 45 sipairang aro Mongolia a•songni pal Mangolian Army-ni 150 Quick Reaction Force Battalion bakko ra•angskaenga.
Ia NOMADIC ELEPHANT military exercise-ko India aro Mongolia a•songni gisepo bilsiprak dake sualgrike ong•atrongenga aro batanggimin chang exercise-ko 2023 bilsini July jao Mongolia a•songo ong•atskaahachim.
Ia a•song damgnini gisepo nangrime ong•atenggipa NOMADIC ELEPHANT military exercise-ko a•bachengatanio, India-ona Mongolia-ni Ambassador Dambajavyn Ganbold aro India Army-ni ning•o donggipa 51 Sub Area-ni General Officer Commanding, Major General Prasanna Joshi bakko ra•angaha.
United Nations-ni Chapter VII-ni ning•o a•song damgni nangrime maikai bobil dolrangko warachakna man•gen, uandake a•song damgnini sipairangko tarisona gita military exercise-ko ong•atenga.
Na·simang ia video-koba nina man·gen:
Na·simang iakoba poraina man·gen: Assam-o chi ban re•ani a•sel dam 28 a•jarangni lakh 11 manderang nangchakeako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
