Tura, Nov 7: Chang 48-gipa 100 Drums Festival ba Wangala manianiko, Chibragre-o donggipa Wangala A•dam baksana Garo Heritage Village ba songo Bristibar saloni a•bachengataha.

100 Drums Festival ba Wangala, ian A•chik jatrangni dal•gipa maniani ong•a aro ian Meghalaya a•doko ge•a gamaniko dal•e ra•aniko aro A•chikrangni dakbewal rikbewalrangni apalaniko mesokaniba ong•a.

Wangala manianiko A•chikrang ge•a gamatangko akman tetmanani ja•man manironga, jeon, pattigipa ra•rongipani suakpile pattianina mitelpilskaaniko dakani aro re•baenggipa salrangoba pattianiko on•china mol•molani ong•a.

Ia Wangala manianiko oprakani salo, West Garo Hills a•jani Deputy Commissioner Jagdish Chelani mongsonggipa sokgipa ong•e bak ra•angaha. Ia skanggipa salo, Handloom aro Handicrafts Exhibition ba jaktangchi sika koa aro ba•ra dokanirangko mesokangaha, Organisation for Preservation of A•chik Tradition and Arts (OPATA) dol aro NEHU-ni A•chik Student Association (ASA) dingtangmancha wangale mesokangaha, bol 100 damarangko dokangaha, Master Chef Competition ba jatni cha•a ringaniko song•susaaniko dakangaha aro A•chikrangni kal•susaanirang chong•motan, jakpong pe•susaani, an•ding okani, rong•ma de•susaani aro uandake dingtangtang kal•susaanirangkoba kal•angaha. Indake, bang•a a•doktangni manderang aro gipin biaponi manderangba ia A•chikrangni manianiko nina re•batokaniko nikna man•aha.

Bol 100 damarangko doke chrokmesaan baksana, Rugalanikoba Sukrobar salo dakanggen.

Ia Rugalaniko dakanio, Nokma an•tangni gamchatgipa rang-rangko mesokanggen aro unbaksana, ge•e game man•gipa me•su samjak aro mi misirangko nok bijangchio donenba, dongimin rang-rangni kosako chu bitchiko rudapaniko dakanggen.

Indake, ia ge•e game akman tetmangimin mi misirangko, pattigipa ra•rongipa Misi Saljongna boli on•aniko daka. Unikoa, chadambe aro me•apa budepa pilakan walgimik dama doke chrok mesaaniko dakronga.

Bonkamgipa sal chong•motan Sonibar salo, 100 Drums Wangala Dance ba bol 100 damarangko doke chrok mesaaniko dakanggen.

Na·simang ia video-koba nina man·gen:

Na·simang iakoba poraina man·gen: Assam-o M’laya-ni mande saksa milsi pemitingo bijoli sala man•e sia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub