Tura, June 17: Pangna bilsi ong·atbaenggipa Inter Mahari Football Tournament 2025-ko, July ja bonachipak ba August ja a·bachengo ong·atanaba donga ine parakatengon, ia kal·susaaniko ong·atna manchigimin tarikrangkode jamano tournament-ko ong·atgipa dolrang u·iatangskagen ine Tura-ni District Sports Officer, Saljagring M Marak u·iataha.
Kal·susaanio bak ra·na gisiko nanggipa dolrang, re·baenggipa July 19 tarik dipet Tura-ni District Sports Office-oniko form-rangko ra·ena man·gen aro form-rangko on·eani bon·kamgipa salara July jani 22 tarik ong·a. Ia tournament-ko ong·atenggipa dolrang, West Garo Hills a·jao donggipa pilak Mahari group ba dolrangkon somoi gita bimungrangko segatchinaba u·iataha.
Iani bidingo maiba sing·anirang donggenchim ong·ode, Tura-ni District Sports Office ba Inter Mahari Football Tournament-ni Convenor-ko grongena gita man·gen. Ia tournament-ni preliminary round-rangko Tura Chandmari-o donggipa Govt. Boys Higher Secondary, School-ni kal·chakram-o kal·anggen aro semi-final aro final kal·anirangko Dakopgre-o donggipa P A Sangma stadium-o kal·atgen ine Sports Officer parakataha.
Na·simang ia video-koba nina man·gen:
Na·simang iakoba poraina man·gen: Raja Raghuvanshi-ko so•otanio jakkalgipa atte bolgipinko police-rang man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
