Tura, Sep 5: Chang 63-gipa Teachers Day ba Skigiparangni salko Bristibar salo, West Garo Hills a•jani Education Department, Tura-ni District Auditorium-o manidilangaha aro ia salko manianio, Meghalaya Board of School Education (MBOSE)-ni Executive Chairman CP Marak, mongsonggipa sokgipa ong•e bak ra•angaha.
Ia salko manianio, West Garo Hills a•jaoni State Award-ko man•gipa skigipa sakgni, chong•motan Tura Don Bosco Higher Secondary School-ni Assistant Teacher Subrata Sen aro Tura Balsrigittim LP School-ni Head Teacher Miman M Sangma-na dingtangmancha mande ra•pilskaaniko dakangaha aro unbaksana District Award-ko man•gipa skigiparang, chong•motan Dalu Sacred Heart Deficit Secondary School-ni Headmaster Rev Fr Biju Paul, Shyamnagar Govt UP School-ni Headmaster Utpal Kr Laha aro Ampanggre Govt LP School-ni Assistant Teacher Alithson G Momin-naba mande ra•pilskaaniko dakangaha.
Ia salko manianio, Best Scout Master-ni award-ko Tura Scouts Open Unit-ni Scout Master Suraj D Marak-na aro Best Guide Captain-ni award-ko Tura Christian Girls HS School-ni Assistant Teacher aro Guide Captain Benjish N Marak-na on•skaaha.
Ia chang 63-gipa Skigiparangni salko manianio MBOSE-ni Executive Chairman CP Marak, jinmana aganprakangengon, an•tangtangko on•kange skigipani kamko ka•enganina skigipa sakantikon mittelpilangaha aro ia salo award man•gipa skigiparangnaba an•tangni namgipa skaniko on•angaha.
Ia sal somoirango skigiparang dingtang dingtang neng•nikanirangko chagrongna nangenga ine janapatengon, mikkangchiba chatro chatrirangko mande ong•atna gita an•tangtangko on•kange kamko ka•angkuchina gita MBOSE-ni Executive Chairman, skigiparangko didiangaha.
Ia salko manianio dongpae bak ra•anggipa gipin manderangara, MBOSE-ni Controller of Examinations TR Laloo, School Education & Literacy-ni Joint Director RTK Sangma, Tura-ni Sub-Divisional School Education Officer (SDSEO) Samuel Ch Marak, Dadenggre-ni SDSEO ED Sangma aro gipinrang ong•a.
Na·simang ia video-koba nina man·gen:
Na·simang iakoba poraina man·gen: Sikkim-o gari bolsa ga•akonangani a•sel sak 4 army sipairang-rang sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
