29.8 C
Tura
spot_img

‘Chenanggre’-o stadium-ko rikna Conrad, pangchakaniko songe on•a

Must read

Tura, Jan 20: Lok Sabha-ni gitcham Speaker Purno A Sangma sagini, election changantian campaign ka•aniko a•bachengatronggipa A•dokgre songo stadium-ko rikna gita da•al Budbar salni bako uni depante aro Meghalaya a•dokni Chief Minister Conrad K Sangma, pangchakaniko songe on•angaha.

Election changantian A•dokgre songoni campaign ka•aniko a•bachengatanio chegipa ong•rongahani gimin ia A•dokgre songko Purno Sangma sagi ‘Chenanggre’ ine mingskaahachim.

‘Chenanggre’-o stadium-ko rikna Conrad, pangchakaniko songe on•a
‘Chenanggre’-o stadium-ko rikna Conrad, pangchakaniko songe on•a

Uandaken, A•dokgre songo Chenanggre Stadium-ko rikna gita a•dokni Chief Minister, pangchakaniko songe on•angan baksana ‘Supporting Human Capital Development Project’-ni ning•o Asian Development Bank (ADB)-ni dakchake on•anichi gital rikgipa A•dokgre secondary school nokkoba nokdonggae on•angjolaha.

Ia stadium-na pangchakaniko songanio aro skulni gital nokko nokdonggae on•anganio a•dokni Chief Minister Conrad K Sangma baksana Kharkutta-ni MLA Rupert Momin, Bajengdoba-ni MLA Pongseng Marak aro Education department-ni Director A Ch Marak-ba dongpae bak ra•angaha.

‘Chenanggre’-o stadium-ko rikna Conrad, pangchakaniko songe on•a
‘Chenanggre’-o stadium-ko rikna Conrad, pangchakaniko songe on•a

Ia Chenanggre stadium-ko gong kror 6.24 korosrangchi rikna sienga aro ia stadium-ko 2022 bilsini December jao matchotna ka•dongenga.

Ia stadium-na pangchakaniko songe on•angani somoio a•dokni Chief Minister jinmana aganprakangengon, ia Chenanggre stadium-ba North Garo Hills a•jao dal•batsranggipa stadium-rangoni damsa ong•gen aro ian kal•susaanio gisik nanggipa chadamberangna an•tangtangni changa sapanirangko namdapatani chol gita ong•gen ine parakangaha.

A•dokgre songni gamchatgipa ong•ani bidingo janapatengon, uni pagipa PA Sangma pangnan election-ni somoio ia biaponin campaign ka•aniko a•bachengatrongani gimin ia songara una aro uni nokdangna pangnan dingtangmancha gisik ra•kamgnigipa song ong•gen ine Conrad parakataha.

“Angni pagipa ia songko an•tangni biap gita chanchie election changantian ia songonin campaign ka•aniko a•bachengatrongani giminsa ua election-o susaa changantian chegipa ong•aha aro iani giminsa A•dokgre songko ua ‘Chenanggre’ ine mingskaaha,” ine Chief Minister aganaha.

A•dokgre skulni gital nokko nokdonggae on•angani somoioba Chief Minister jinmana aganprakengon, lekka poranian a•dok sorkarini gisik on•bate kam ka•ani ong•enga aro sorkari a•doko lekka porani gadangko tang•doatna gita kamrangko ka•enga ine parakangaha.

Dingtang dingtang constituency-ni ning•o donggipa dam 250 LP skulrangko namdapatna gita sorkari gong kror 100 tangkarangko chamaha aro apsan daken North Garo Hills a•jao donggipa dingtang dingtang skulrangko namdapatna gita sorkari tangka paisarangko chamaha ineba Sangma aganaha.

spot_img

More articles

spot_img
-->

Latest article