Tura, Nov 12: West Garo Hills a·jani Gambegre constituency ning·o donggipa Chenggapara songo skanggipa changna 30 Drums Wangala Festival ba dama bol 30-ko doke Wangala manianiko Sonibar salo ong·atangaha aro ia manianio, Selsella-oni Bolbokgre Cultural Society, Tura-oni Bosco Ranggore Cultural Club aro Tura-oni Do·kakku Art & Cultural Assocation dolrang bakko ra·angaha.
Ia 30 Drums Wangala manianiko ong·atanio, Babelapara-ni MDC Rakesh A Sangma, mongsonggipa sokgipa ong·e, jinmana aganprakangengon, ia 30 Drums Wangala manianiko skanggipa changna ong·atanio dakchakanirangko on·na man·ahani gimin an·tangni kusi ong·aniko parakangenba, ia manianiko mikkangchiba Gambegre constituency ning·o nambate ong·atna gita ua dakchakanirangko on·angkugen ine ku·rachakaniko on·angaha.
Songtangni manderangna ka·saani gimin ua Gambegre constituency ning·o iandakgipa dingtang dingtang program-rangko ong·atna miksonganirang dongenga ineba Sangma aganaha.
Ia manianio West Garo Hills a·jani additional deputy commissioner (ADC) Saljong R Marak-ba dongpae jinmana aganprakangengon, iandakgipa Wangala manianirangko ong·atanichi jatni daka rikanirangko ripinge rakkiangkuchina gita jolni manderangko didiangaha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
