Tura, Nov 15: Changchetgipa Bilgaro-ko Sukrobar pringni 9:30 baji dipet, Selbalgre-o donggipa Solace Resort-oni a·bachengataha.

Ia chetgipa Bilgaro-ko Tura Motor Sports Club (TMSC), North Tura-ni gitcham MLA Noverfield R Marak sagiko gisik ra·na gita ong·atenga aro ia chang Bilgaro-o SUV, Car aro Rookie sub category gadangrango ong·atenga.

Skanggipa salo, km 2.5-ni ‘Sprint’ category-ko Bibragre-o ong·atangaha aro ia gadango gari salsusagiparang, an·tangtangni nambatgipa somoiko mesokna susaangaha.

Ia bilsini Bilgaro-o Shillong-ni sakbonga, Williamnagar-ni saksa aro Tura-ni sakbonga driver-rangko man·chape gimik sak 12 salsusagiparang bak ra·enga.

Gnigipa sal, chong·motan Sonibar salo, ‘Hill Climb’ category-ko West Garo Hills a·jani Aguragre songo ong·atangskagen aro uni ja·man Selbalgre-ni Solace Resort-o boksis sualani program-ko ong·atanggen.

Na·simang ia video-koba nina man·gen: 

Na·simang iakoba poraina man·gen: Guwahati-ni Pandu Port-o skanggipa Seaplane onchongea

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub