Shillong, March 11: A·doko mikka badrie aro chi-bana re·e a·sel chagrongenggiparangna simsak-niroke kam ka·sona chinga ja·ku de·engaha ine mongolbar salni Assembly-o skotong minister Conrad K Sangma aganaha. “Rang·gitik mikka jimani aro chi bana ong·aniko uisona man·gipa gital  technologyrangko jakkalna sorkari miksongenga. Forest Department, Water and resources Department, Soil and Water Conseevation Department aro uandake dingtang dingtang departmentrang iana kam ka·engaha. Indioba ia ong·telaigiparangko warachake kam ka·anide altua ong·ja”  ineba Skotong minister aganaha.

“Batanggimin bilsi bongao ong·telaigiparangchi  nosto ong·atako man·giparangna dakchakna chamgimin tangka kror 322 aro ong·gnigipa a·selrangko champenge kam ka·sona chamgimin tangka kror 81 ong·achim. Da·skario kror 322 oniko kror 71 ko ong·telaigipa a·selrangchi duko ga·akenggiparangna dakchakna jakkalaha” ineba Skotong minister Pa Sangma aganaha.

Nosto ong·atako man·gipa nokrangko taritaipilna manderangna dakchakaniko District-ni deputy Commissioner rangan niroke tangka-paisarangko jakkalna man·aignok aro iana kosakoni maming ge·etani grian dakna man·aignok ineba ua talatjolaha.

Na·simang ia video-koba nina man·gen: 

Na·simang iakoba poraina man·gen: IMD, Meghalaya a·doko mikka balwa ta·rakanina mikrakataniko on·ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub