Guwahati, Dec 21: Wachikario chi bananian Songdu rikamo donggiparangna gimaaniko ra·baronga. Songdu gita pelbrake jokgipa chibimani chi banani badia jol gita sokbagen, badiako dram pe·gen, pangnajolde agansona man·ja. Indakgipa obostani bidingo u·i-ma·sina gita Braided River Aid: Hydro Morphological Analyzer (Brahmo-2D) ingipa modelko Prof Arup Kr Sarmani dilanio Guwahati IIT-ni scientistrang Brahmaputra Board baksa nangrime bikotaha.
Ia tarigimin mathematical modelko jakkale Songdu gita pelbrake jokgipa chibimani jokani bewalko nina man·gen.
Chibima jokani bewalko u·iania chi banani, na·gil kaani, ge·a gamani pilaknan mongsonggipa ong·gen. Skangonin jakkalbaenggipa modelko jakkale pelbrake jokgipa chibimani bewalko namedake u·ina man·gijani ong·kuengachim.
Ia gital modelni mongsonggipa mingsara, uko jakkale chibimani dingtang dingtang tu·anirango chi badita ta·rake joka uko u·ina man·gen, uni gimin, na·gil kaanirango badita bilakna nanga nambate u·igen.
BRAHMA-2D modelko Majuli chichangni sambajolo jakkale nion chu·sokgipa ong·aha.
Dr Anupal Baruah da·o post-doctoral fellow ong·e University of Alabama-o kam ka·enga.
Iakoba poraie nina man·gen: Rinzing Choden Bhutia: Agapi Sikkim-ni nokgipa aro me•chikrangko didigipa ong•a
Watch
