Gangtok, Dec 21: Rinzing Choden Bhutia, saksa Sikkim a•doko atchigipa ong•achim. Ua janggi tangna gita an•tang chonbegipa business-ko ka•na a•bachengaha jean, da•alo dal•gipa business aro a•dokni bang•a me•chikrangna janggi tangani cholba ong•skaaha.
Rinzing, America-o kam ka•enggipa ong•achim, ua 2012 bilsio an•tangni atchiram a•dok chigatang Sikkim-ona re•bapilna chanchiaha. Indake, ua re•bapilenba, sabon-rangko jaktangchi tarie badingna a•bachengaha aro jattangni me•chikrangnaba, jaktangchi sabon-rangko tarie bading chiwale janggi tangani gimin skie on•skaaha.
West Bengal-ni Gorubathan-o Petrichor-ko ong•atanio, Bhutia, jaktangchi sabon-rangko tarianiko skie on•anio bakko ra•e skie ra•rikpaaha.
Indake, ua noktangon sabon-rangko tarichengaha, iani gisepon Covid-19 sabisi sokbaskaaha. Indake ong•genchimoba ua dondikjaha, batesa, sabon tariani gimin nambate sandirikitaniko dakna gita somoirangko man•dapaha aro ua Agapi Sikkim-ko a•bachengatskaaha, jean, be•enni bigilrangna simsakaniko on•gipa bosturang ong•achim.
Indake, Rinzing Choden Bhutia, uni gisiko nange krenge kamko ka•anichi, chongipa business-ko a•bachenganichi chu•gipa gadangona tang•dona man•a ine, a•jao dongenggipa manderangna sakki on•ani ong•aha.
A•bachengao ua, banggija bosturangko tarie hotel-rangona jekai, JW Marriott aro Taj Group of Hotel-rangona ra•bae palrongachim. Aro minggipinara ku•siktangchi aganachi aro Instagram gita bosturangko palna man•aiachim. Indiba da•alo, ua dal•dalgipa bostu palchakram biaprango, jekai, Brown Living, Eco Sattva aro sorkarini portal, My Store app-rango aro an•tangni tarigipa website, agapisikkim.com website-o bosturangko palna gita man•engaha.
Indake da•alo, ia brand-ni dam $1 million dollar ong•aha. Sikkim-oni, Agapi-an me•chikrangoni skanggipa Foreign Direct Investment (FDI) baksa kam ka•rimgipa ong•achim.
Iakoba poraie nina man·gen: Assam-o BJP sorkariko ra·galnade AIUDF-kon ra·galchengna nanggen: Cong
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
