Shillong, Jun 27: Meghalaya a•doko dingtang dingtang kamrangni gimin research ka•ani ba am•sandie nianiko tang•doatna gita Bristibar salo, Meghalaya a•dokni Chief Minister Conrad K Sangma, Chief Minister’s Research Grant (CMRG)-ko Meghalaya Secretariat-o a•bachengate on•angaha. Ia scheme-ko a•bachengatanio, a•dokni Arts & Culture Minister Paul Lyngdoh aro gipinrangba dongpae bak ra•angtokaha.
Arts & Culture, Heritage Studies, Indigenous Communities, Land, Language & Lineage, aro Evaluation Studies-ko man•chape dingtang dingtang kamrangni bidingo research ka•aniko namdapatna miksonge ia CMRG-ko a•bachengataha aro ia scheme-ni ning•o seokako man•gipa project mingantian, ja 10-na gong lak 3 tangkarangko man•gen.
Ia CMRG-na dorgastorangko re•baenggipa July 20 tarik walni 11:59 bajiona ra•chakgen aro seoka man•gipa scholar-rangko August jani gnigipa antio u•iatenba, ia grant-ni skanggipa instalment-ko August 15 tariko on•anggen.
Ia grant-na gisiko nanggipa manderang dorgastorangko Meghalaya sorkarini website, Arts & Culture department-ni website ba Department-ni social media-rang gita online galatna man•gen.
Ia CMRG-ko a•bachengate on•angani somoio a•dokni Chief Minister, jinmana aganprakangengon, dingtang dingtang kamrangni bidingo research ka•na nangani aro see rakkina nanganirangko agan-talate on•angenba, manderangni research ka•aniko nambatatna gita ia scheme-ko a•bachengataha ine parakataha.
Ia grant-na dorgastorangko galchina research dakgipa manderangko aro chatro chatrirangko didiangengon, nanggenchim ong•ode sorkari, ia grant-ni ning•o on•enggipa tangka paisarangko ja•mano bariatgen ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: International Day Against Drug Abuse and Illicit Trafficking-ko Tebronggre songo mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
