Tura, September 9 : Sombar salo, Garoland State Movement Committee (GSMC), Chokpot Regional Unit-ni Chairman, Lusai Ch Marak, South Garo Hills-ni Chokpot Civil Sub-division-ni ning•o sorokrang namsrangjaengahani gimin a•dok sorkarina lekka sedoatanio, ia jolo sorok namgijaniara skangnin tarigijja donchipani a•sel ong•an baksana iano bak nangpagipa authority-rangoniba maming nirok simsakatani dongjani a•sel ong•aha ine janapataha.
A•jani gitchambatsranggipa ramarangoni Chokpot ramaba ge•sa ong•paachim aro indake ia sorok da•o re•ruraaniko dakna gita namen kena nangbegipa sorokba ong•enga, maina ia sorokko ru•uta bilsirangna galchipe donani a•sel sorok namjabatroroenba, sorok gimikon a•kolrara, a•dubekrara aro jabolrara dakenba re•ruragipa manderangna mongsongbate wachi karini somoio namen neng•nikanirangko man•a baksana ian mandeni jangginaba namen kenbegnigipa ong•enga, inenba Marak janapataha.
Marak-ni aganani gitade, sanna bannanirangko ra•na nanggitikan somoioba namen nengnikbeani ong•enga aro iani a•selan haida mikkangchi maiba dal•a a•selrangko chagrongna nangnaba donga aro iandakgipa dal•a obosta onggniko champengna gitade somoi gita rama jal•angrangko tarianiko dakna gita nanggen.
South Garo Hills jolo mongsongbate Chokpot-o namdapatani ba namroro silroroaniko ra•baanirangoba nigalaniko man•anina gisik suk ong•gijaniko parakatan baksana rama jal•angrang namjana agreba network-rang namgijani a•sel a•jako dingtangmancha ma•ekata gitaba ong•a ine janapataha.
Iani gisepon, ia janape seatgimin neng•nikanirangko nirokatchina aro ta•raken rama jal•angrangko tarie on•china gita Marak, a•dok sorkario didianiko dakangaha.
Na·simang ia video-koba nina man·gen:
Na·simang iakoba poraina man·gen: Arunachal Pradesh-ni Kapapua gita India-ona PLA dolrang napbaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
