Imphal, Nov 18: Sombar salo, Manipur-ni Imphal valley-o civil society group-ni member-rang, ma•mong sorkarini a•doko so•so jengjeng ong•anirangko champengna gita man•jahani gimin uamangni kosako jegalani bak gita ma•mong sorkarini poraichakram biaprang aro kam ka•chakram biaprangko chipna a•bachengataha.
Me•chikrang aro bilsi sokkugijagipa bi•sako so•otaniko kobor man•a intaloni, ma•mong sorkari manderangni janggirangko aro gamjinrangko chel•chakna gita man•jaha ine Manipur a•dokni manderang u•ina gita man•aha. Manderang jinma ramarangona re•ongkatbaenba ma•mongni skulrang aro office-rangko chipna a•bachengataha ine aganengon, sorkariko ia ong•enga obostarangko namatna gita ta•raken ja•ku de•anirangko dakchina gita sorkario didiataha inenba civil society group-ni member saksa u•iatangan baksana ian jegalani chin ong•a aro iako sorkari knachakja ong•ode iana bate rakbata ja•ku de•anirangko dakanggen ineba ua aganangkuaha.
Authority-rang a•doko niamrangko name rakkina man•a gita Imphal West aro Imphal East-o curfew ra•gatataha.
Jibiram a•jao golmal ong•anio bi•sarangko man•chape sak 6 manderangni manggisiko man•a jaman gital so•so jengjeng ong•aniko nikna gita man•taiaha.
Barak chibimaoniko me•chik saksani manggisiko man•gipani jachipchang social media-o giproroa jaman a•doko obostarang namjabatrorona a•bachengaha.
Ia jegalaniko daka jamano, cha•oani aro wa•al so•anirango bak dongpaanina sak 25 manderangko Imphal East, Imphal West aro Bishnupur a•jaoniko rim•aha.
Sak 6 manderangni manggisirangko man•giparangara, re•anggipa November 11 tarikoni gimagipa me•chikrang aro bi•sarang ong•akon ine chanchipenga. Ia ong•a obostani a•sel Imphal East aro Imphal West-ko man•chape dingtang dingtang a•jarangon minister-rang, MLA-rang aro politics-ni dilgiparangni nokrangko chadrapanirang a•bachengaha.
Spear Corps-ni GOC, Gen A S Pendharkar, Manipur-ni Indian Army aro Assam Rifles unit-rangko robibar salo re•ange nianiko dakenba, Imphal-ona chel•chakaniko on•a watata man•gipa sipai dolrang baksa agangrikanirangkoba dakangaha.
Spear Corps-ni Indian Army aro Assam Rifles Unit-rang, chel•chakgipa dolrang baksa Imphal-ni Sanjenthong, Khurai Lamlong Bridge, Thongju Bridge, Koirengei, Kangla Western Gate, Keishampat, Chungtham, Salam Mayai Leikai, Konthujam, Mayang Imphal, Hiyangthang, Nambol, Mantripukri, Babupara, Wanjing, Thoubal, Imphal East-ni Lilong, Imphal West aro Thoubal a•jao flag gnang re•jomaniko dakangaha.
Na·simang ia video-koba nina man·gen:
Na·simang iakoba poraina man·gen: Meghalaya-ni CM tourism infrastructure-na crore 4-ko chamata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
