Shillong, Feb 19: CM CONNECT program-ni ning•o ta•rakbee kamrangko ka•anichi, Ranikor jolo donggipa Koraibari songni manderangna National Food Security Act (NFSA)-ni ning•o Public Distribution System (PDS)-ni bosturangko man•e on•na dakchakaha.
Ia songni manderang, jaanti on•enggipa PDS-ni ration, jekai merong, chini aro uandakgipa bosturangko songni Fair Price Shop (FPS) dealer-oniko man•jaengani gimin a•dokni Chief Minister Conrad K Sangma-na badi ka•doangani ja•man, iani bidingo ta•raken ja•kurangko de•china Chief Minister ge•etaniko on•angaha aro ja•mano official-rang, ia FPS dealer-ni kosako ja•kurangko de•e, songni manderangna PDS-ni bosturangko man•e on•na dakchakaha.
Ia songni FPS dealer Lipson Ch. Sangma, songni manderangna PDS-ni bosturangko on•jaenga ine adita salrangna skang, CM CONNECT program-ko ong•atanio Chief Minister-na badi ka•doangahachim. Badi ka•anirangko man•ani ja•man Chief Minister an•tangan ia FPS dealer-ni kosako rakgipa ja•kurangko de•na ku•rachakenba official-rangna ge•etaniko on•ataha.
Iani bidingo Supply department-ni director Anita Kharpor, ta•raken South West Khasi Hills a•jani Deputy Commissioner-na sedoatenba, ia FPS dealer-ni kosako ja•kurangko de•china ge•etaniko on•atskaaha.
February-ni 17 tariko, Supply department-ni inquiry dolba ia songona re•ange sing•sandianirangko dakon, songni mitam manderang bilsisa aro mitamde bilsignina kingking PDS-ni merong aro gipin nangchongmota bosturangko man•tokjaenga ine ma•sina man•aha. Ia obostani bidingo ma•siani ja•man Supply department-ni official-rang, FPS dealer-ni licence-ko den•galaha aro uo donggipa pilak lekkarangkon on•pilchinaba ge•etaniko on•aha.
Ia CM CONNECT program-ni bidingo talataniko on•angengon, “Ian an•chingni manderangna dingtangmancha bilrangko on•aha aro ia program-chin manderang, an•tangtangni nangani aro neng•nikanirangko aganna gita ka•dongataniko man•aha. Manderangni neng•nikanirangko ia CM Connect-chi namatna man•ahani gimin anga kusi ong•a,” ine a•dokni Chief Minister Conrad K Sangma parakataha.
Somoi gita ja•kurangko de•e manderangni neng•nikanirangko namatna man•ahani gimin Koraibari songni secretary-ba Chief Minister-ko mittelpilangskaaha.
Ia CM CONNECT-ko a•dokni Chief Minister Conrad K Sangma, sorkarini dingtang dingtang kamrango manderangni chu•ongnikgijani, neng•nikani aro nanganirangko ma•sie ra•na 2024 bilsini February jao a•bachengatahachim aro ia program-ko a•bachengatanichi songni manderang, an•tangtangni neng•nikanirangko aro nanganirangko an•tangtangan Chief Minister-na aro sorkari officer-rangna parake on•na cholrangko man•enga.
Na·simang ia video-koba nina man·gen:
Na·simang iakoba poraina man·gen: Shillong-o Apollo Trinity Medical Centre-ko kulia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
