Tura, May 29: Reservation Roster-ni bidingo chanchirimna gita May-ni 31 tariko, Meghalaya a·dokni Chief Minister Conrad K Sangma, a·dokni dingtang dingtang dolrang baksa Shillong-o tom·aniko ong·atengon, ia tom·anio Garo Hills-ni dingtang dingtang dolrang, jekai Zikku Balgra N Marak-chi dilenggipa GSU, GSMC, AAYWS, AAYF Williamnagar aro uandakgipa dolrang bakko ra·jana tik ka·angaha ine u·iataha.
Ia NGO-rangni parakatani gitade, Reservation Roster-ara Garo Hills-ni manderangnaba namen nangchongmotgipa ong·engani gimin Garo Hills-ni dingtang dingtang dolrang aro manderang baksa chanchirimengon, Garo Hills-oba dingtang tom·aniko ong·atna nangenga.
Batanggimin bilsi 50-ni gisepo Garorangna dongimin bak rengsiko tikate on·kujaskal, reservation policy-ko gital dake nipiltaina nangani katta dongjawa ineba Garo Hills-ni NGO-rang parakataha.
