Shillong, Nov 28: Budbar salo, a•dokni  Skotong Minister, Conrad K Sangma, Health and Family Welfare-ni minister Mazel Ampareen Lyngdoh-ni dongpaanio, Meghalaya a•doko dal•gipa processing unit-rangko ra•baani namgniko man•a gita Community Public Private Partnership (CPPP) program-ko a•bachengate on•angaha.

Tom•anio aganengon, Skotong Minister, Conrad K Sangma, ia program-ko a•bachengatani miksonganiara uan game ge•e cha•gipa manderangni janggi tanganiko namdapatna aro a•doko janggi tanganiko cholrangko ra•bana miksonganio ong•a ine aganangan baksana, Skotong Minister, pilak cooperative society-rang, self help group-rang aro private sector-rangko, game ge•e cha•anirangko aro tangka paisani gita tangdobatataniko ra•bana apsan ku•cholsan ong•e kamrangko ka•na nangchongmotani giminba ua aganangaha. Ua me•chik dolrang, chadamberang aro game ge•e cha•giparang baksa agangrikanio, uamango tangdobatatani bidingo bil gnanganiko nikna gita man•aha. Indake ong•engon, ia indakgipa bil gnanganiko ra•dona aro dal•rorona dakchakaniko on•a gita ma•mong aro a•dok sorkarini gita on•enggipa scheme-rang chu•ongkujaenga ine janapataha.

Skotong Minister, bangbate aro nambate gama ge•ani biterangko man•a nambata ja•ku de•anirangko dakna gita, Integrated Village Cooperative Society-rang (IVCS) aro producer dolrang jemangan batanggimin bilsirango sorkarini on•gimin namgnirangko man•manahachim, uamangni ning•o ia game ge•e cha•giparangko apsan nangrimatna nangchongmotani giminba u•iatanangaha.

A•doko gama ge•anirangko dakanio neng•nikanirangko man•ani bidingo, Skotong Minister, a•doko dingtangmancha bang•e man•enggipa e•ching, holdi aro dambongrangko ge•anio gisikko on•batchina gita didiangaha.

Sorkarini gita Meghalaya a•doko, ia CPPP-ni gita tangka gong 106 crore-ko koros ka•na tik ka•angaha. Ia program-ko ong•atanio, Skotong Minister, CPPP program-na tangka gong crore 16-ko pakwate on•angan baksana, cooperative working capital-na crore 2.55-ko aro CM Elevate program-ni ning•o Agri Response Vehicle ba garirangkoba a•bachengate on•angaha.

Na·simang ia video-koba nina man·gen: 

Na·simang iakoba poraina man·gen: Speaker Thomas Sangma, Congress-ni MLA-rangko rimnapanio maming dingtangatani dongjawa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub