Shillong, June 25: Sombar salo, Meghalaya a•dokni Skotong Minister Conrad K Sangma, a•dokni silroro namroroaniko tang•doatna ma•mong sorkarini mongsonggipa Union Minister-rang baksa, New Delhi-o tom•e chanchirimaniko dakangaha.
Ia tom•anio, skill development, karkanarangko bariatna, rika cho•ani kamrangko, lekka porako aro technology-ko tang•doatani gimin chanchirimaniko dakangaha.
Skanggipao, Skill Development and Entrepreneurship-ni Minister of State (MoS), Jayant Choudhary-ko gronge, Shillong aro Tura-o tarinasienggipa park-ni bidingo, jeon, chadamberangna janggi tangani cholrangko on•a a•dok sorkarini miksonganirangko, Skotong Minister kan•dike talate on•angaha.
Uni ja•mano, ua Commerce and Industry-ni Union Minister, Piyush Goel-ko grongenba, Meghalaya a•doko karkanarangko bariatanio dakchakaniko on•china mol•molangaha.
Unikoa, ua Union Finance Minister, Nirmala Sitharaman baksa gronggrike, a•dokna ma•mong sorkarini on•enggipa project-rangni gimin aganangaha aro Meghalaya Economic Growth Accelerator (MEGA) project-ni ning•o tangka paisarangko chamatchinaba mol•molangaha.
Indake, Development of North Eastern Region (DONER)-ni Union Minister, Jyotiraditya M. Scindia-ko grongenba, a•doko rika cho•ani project-rangna DONER-ni ning•o chamatenggipa tangka paisarangko bariatchinaba didiangaha.
Education-ni Union Minister, Dharmendra Pradhan-koba, lekka porako a•dokni chadamberangna on•enganiko tang•dobatatna uni dakchakaniko on•china mol•molangaha.
Bon•kame, ua Information Technology-ni Union Minister, Ashwini Vaishnaw-ko grongenba, Technology-ni tru, a•doko man•enggipa dakchakanirangni gimin agantalataniko dakangaha.
Na·simang ia video-koba nina man·gen:
Na·simang iakoba poraina man·gen: Tamil Nadu-o ong•atanggipa Taekwondo Championship-o M’laya-ni chadamberangba medal-rangko chebaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
