Ampati, July 25: 2018 bilsio South West Garo Hills a•jani Monabari songona re•angani somoio, waiting shed-ko rikna a•dokni Chief Minister Conrad K Sangma an•tangan ku•rachake ra•baahani gimin Bristibar salo uni South West Garo Hills a•jaona re•angtaiani somoio, butchuma saksani kalime agananiko knatimani ja•man, ia butchumani songo waiting shed-ko rikna gita Chief Minister an•tangan, gong lak 2-ni cheque-ko ia butchumani jakon pakwate on•angaha.
Bristibar salo CM Connect program-ko Ampati-o ong•atanio ia butchuma, an•tangni nangnikani aro neng•nikanirangko chakate aganangengon, an•tangni songo waiting shed-ko rikna Chief Minister-ni ku•rachakaniko gisik ra•e janapangaha aro uni agananirangko knatime ra•ani ja•man Chief Minister-ni dol aro administration-ni official-rang am•sandie nion, ia songna tangka paisarangko sorkari chamatahachim indiba darangba cheque-ko ra•ejahani gimin ia cheque-ko 2019 bilsio sorkariona watatpilaha ine ma•sina man•aha.
Tangkarangko sorkariona watatpilaha ine ma•sina man•ahaoba ia butchumani songo waiting shed-ko rikna gita Chief Minister, gong lak 2 tangkako ia songna on•atchina, an•tangni manderangko aganaha.
Iandake an•tangni nangnikaniko chu•sokatahani gimin ia butchuma, Chief Minister-ko mittelpilangskaaha.
Ia cheque-ko Riphingkona Village Organisation-ni bimingo on•ataha.
Apsan daken, ia CM-Connect program-ko ong•atanio dingtang dingtang songni manderangba bakko ra•e, an•tangtangni songo nangenggipa kamrang aro matchotgija dongenggipa dingtang dingtang kamrangni bidingo Chief Minister aro sorkari official-rangna janape on•angaha.
Manderangni nangani aro neng•nikanirangko knatime ra•ani ja•man a•dokni Chief Minister, jinmana aganprakatengon, manderangni nangani aro neng•nikanirangko knatime ra•enba kamrangko nambate chu•sokatna gitasa ia CM-Connect program-ko a•bachengataha ine talataniko on•angaha.
Na·simang ia video-koba nina man·gen:
Na·simang iakoba poraina man·gen: Niamgri check gate-ko songanina ACHIK dol jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
