Shillong, Feb 16: An•tangtangni constituency-o mongsonggipa project-rangko matchotatani bidingo agangrikna gita Budbar salo, ra•galako man•gipa Congress Legislature Pary (CLP)-ni sakbonga MLA-rang, Meghalaya a•dokni Deputy Chief Minister Prestone Tynsong-ko grongeaha.
Ra•galako man•gipa CLP-ni sakbonga MLA-rangara, Ampareen Lyngdoh, Kimfa Marbaniang, Mayralborn Syiem, PT Sawkmie aro Mohendro Rapsang ong•achim.
Deputy Chief Minister-ko grongeani somoio kobor ra•timgiparangna talataniko on•angengon, ra•galako man•gipa CLP-ni sakbonga MLA-rangni constituency-rango nangchongmotgipa kamrangni gimin agangrikna gitasa uamang Deputy CM-ko grongeaha ine CLP-ni gitcham dilgipa Ampareen Lyngdoh parakataha.
“Chingaba da•o MDA sorkarini bakan ong•ahani giminsa chingni constituency-rango nangchongmotenggipa kamrangko chu•sokatna gita chinga Deputy CM-ko grongeaha. Da•alo chinga Deputy CM-ko grongeanichi an•tangtangko MDA-o chu•gimik bakrimenggipa membor-rang ineba mesokeaha,” ine Lyngdoh parakataha.
