Shillong, Aug 10: Meghalaya Contingency Fund-ko gong kror 305-oniko gong kror 505-ona bariatna gita Mongolbar salo a•dok sorkari tik ka•angaha.
Contingency Fund-ko bariatna sorkari tik ka•ahani gimin dingtang dingtang department-rango nanggitikgipa korosrangna da•o tangka paisarang chu•onggnok.
Mongolbar salo a•dokni Cabinet tom•e chanchirimangenba, dingtang dingtang department-rangni namgnina Contingency Fund-ko bariatna tik ka•angaha.
Meghalaya F.R’s & S.R’s 1984 baksana Meghalaya Delegation of Financial Powers Rules 2006-ko taridapanikoba ia tom•anio Cabinet ra•chakangaha.
Re•baenggipa August-ni 15 tariko a•dokni dingtang dingtang biaprango a•songni jakgitelani salko manidilna gita VIP-rangko seokani bidingoba ia tom•anio Cabinet chanchiangjolaha.
